Sfera.az ria.novosti -yə istinadla xəbər verir ki, Ukraynanın keçmiş prezidenti Pyotr Poroşenko "Pryamoy” telekanalının sahibi olduğunu və həmin telekanalı Ali Radanın keçmiş millət vəkili Vladimir Makeyenkodan satın aldığını bildirib, amma ödədiyi məbləği açıqlamayıb.

"Bu səhər Makeyenko mənə zəng vurdu. Kanalı qorumaq üçün məndən kömək istədi. Söylədi ki, tək günahı kanalı dəstəkləmək, təmin etmək, maliyyələşdirmək və qorumaq üçün illərlə zəhmət çəkməsidir. Amma indi köməyə ehtiyacı var. Odur ki, iki saat əvvəl bir müqavilə imzaladıq və mən xeyriyyəçiliyə sərf edə biləcəyim böyük məbləğ ödəyib "Pryamoy kanal”ı satın aldım. İndi dövlət reestrində kanalın əsas benefisiar sahibi 100 faiz Pyotr Alekseyeviçə məxsus olan  Prime Assets Capital-dır”,- deyə Poroşenko "Pryamoy”un canlı efirində bəyan edib.

 

"Vladimir Aleksandroviç (red. Zelenski) Milli Təhlükəsizlik və Müdafiə Şurasının sabahkı iclasında "terrorçu” Poroşenkoya qarşı sanksiyalar tətbiq edə bilərsiniz, amma sizə "5 kanal”ı(red. Sözügedən kanalın sahibi Poroşenkodur) bağlamağa çalışan Yanukoviçin (red. Ukraynanın keçmiş prezidenti Viktor Yanukoviç) aqibətini yada salmağı məsləhət görürəm. Onun başına gələnləri dəqiqliklə,  günbəgün izləyin. Xatırladım ki, onun aqibəti heç də yaxşı olmadı.  Söz azadlığını qorumaq üçün əlimdən gələni edəcəyəm”, - deyə Poroşenko əlavə edib.