“Avropa İttifaqı ölkələri Rusiyaya qarşı 14-cü sanksiyalar paketini iyul ayına qədər razılaşdırmaq niyyətindədir”.

Sfera.az “TASS”a istinadən xəbər verir ki, bu barədə müvafiq sənədin layihəsində qeyd olunub.

Məlumata görə, paket nə rus diplomatlarının Aİ-də hərəkət azadlığını məhdudlaşdıracaq, nə də Rusiyadan mayeləşdirilmiş təbii qaz, nüvə yanacağı və ya alüminium idxalına qadağa qoyacaq. Paket Rusiyadan və Moskvaya qadağan olunmuş malların daşınmasında şübhəli bilinən digər ölkələrdən daha 52 şirkəti hədəf alacaq. Qadağan olunmuş mallara xüsusilə dron komponentləri daxildir.

Bundan başqa, yeni sanksiyalar paketi Rusiyanın Avropa siyasi partiyaları və Avropa siyasi fondları, qeyri-hökumət təşkilatları və media xidməti təminatçılarının maliyyələşdirilməsinə AB27 miqyasında qadağa qoyulmasını təklif edir.

Yeni sanksiyalar layihəsi həmçinin Aİ limanlarına Rusiya maye qazının Aİ-yə daxil olmayan ölkələrə daşınmasını qadağan edir, Rusiyaya qarşı sanksiyalardan yayınan gəmilərin Aİ limanlarından istifadəsinə qadağa qoyur, həmçinin Rusiya aviasiyasına, Rusiya heliumu və müxtəlif mineralların idxalına Aİ-nin mövcud məhdudiyyətlərini sərtləşdirir. 

Avropa Komissiyasının (AK) icraçı vitse-prezidenti Valdis Dombrovskis daha əvvəl bildirmişdi ki, Avropa İttifaqı Rusiyaya qarşı 14-cü sanksiyalar paketi ilə bağlı danışıqlarda çətinlik çəkir və çox güman ki, yeni məhdudiyyətlər ehtiva etməyəcək, ancaq sanksiyalar blokadasını aşmaq üçün Rusiyanın tədbirlərinə qarşı durmağa çalışır. AK fevralın 23-də təsdiqlənən 13-cü paketin qəbulundan dərhal sonra Moskvaya qarşı 14-cü sanksiyalar paketini hazırlamağa başlayıb. Məhdudiyyətlər Rusiya, Hindistan, Qazaxıstan, Çin, Serbiya, Tailand, Türkiyə və Şri-Lanka da daxil olmaqla bir sıra digər ölkələrdən olan 106 fiziki və 88 hüquqi şəxsə şamil edilib.

Firuzə Əliyeva