Xaricdə təhsil alanlar imtahan verdi

Xaricdə təhsil alanlar imtahan verdi

Dövlət İmtahan Mərkəzi tərəfindən 6 oktyabr 2024-cü il tarixində müəllimlik, mühəndislik və hüquq ixtisasları üzrə xarici dövlətlərdə ali təhsil almış şəxslər üçün peşə tanınması üzrə imtahan keçirilib.

 

Sfera.az DİM-ə istinadən xəbər verir ki, Azərbaycan Respublikası Prezidentinin 2023-cü il 18 avqust tarixli 2306 nömrəli Fərmanı ilə təsdiq edilmiş “Xarici dövlətlərin ali təhsilə aid kvalifikasiyalarının tanınması Qaydaları”na əsasən müəllimlik, mühəndislik və hüquq ixtisasları üzrə ərizəçinin Elm və Təhsil Nazirliyinin tabeliyində fəaliyyət göstərən Təhsildə Keyfiyyət Təminatı Agentliyinin sifarişi ilə Dövlət İmtahan Mərkəzinin təşkil etdiyi imtahanda müvəffəqiyyət qazanması (keçid balını toplaması) tələb olunur. İmtahanda iştirak etmək üçün ərizələrin qəbulu Agentlik tərəfindən aparılıb.

 

Kompüterlər vasitəsilə təşkil olunan imtahan saat 13:00-da başlanıb və 1 saat davam edib.

 

İmtahanda iştirak etmək üçün qeydiyyatdan keçən 305 nəfərdən 33 nəfər imtahana gəlməyib. Ərizəçi tərəfindən imtahan yekunlaşdırıldıqda və ya imtahan üçün ayrılan vaxt başa çatdıqda imtahanın nəticələrinə dair arayış təqdim olunub. İmtahanda 149 nəfər müvəffəqiyyət əldə edib.

 

Qeyd edək ki, imtahanda iştirakçılara 30 test tapşırığı təqdim olunub. Hər doğru cavab bir balla, səhv və ya cavab verilməyən tapşırıqlar sıfır balla qiymətləndirilir. Ərizəçinin imtahanda müvəffəqiyyət qazanması üçün 15 və ya daha yuxarı bal toplaması tələb olunur.

 

İmtahanın məzmunu ilə bağlı Apellyasiya Komissiyasına müraciət etmək istəyənlər 8 və 9 oktyabr tarixlərində saat 14:00-dan 17:00-dək DİM-də (ünvan: Bakı şəhəri, Nəsimi rayonu, Akademik Həsən Əliyev küçəsi, 299) ərizə yazmalıdırlar. Ərizəyə ali təhsil haqqında diploma əlavənin (transkriptin) surəti də əlavə edilməlidir.


OXŞAR XƏBƏRLƏR

Qəzzada ölənlərin sayı 41 min 870 nəfərə çatıb

İsrail ordusunun endirdiyi zərbələr nəticəsində Qəzzada həlak olan fələstinlilərin sayı 41 min 870 nəfərə çatıb.   Sfera.az xəbər verir ki, bu barədə...

Günün ən xoşbəxt BÜRCÜ

Bu bürcün nümayəndələri bu gün həyatın bütün sahələrində uğurlar qazanacaqlar   Bu bürcün nümayəndələri adətən harmoniya, ədalət və tərəfdaşlığı qiym...

İsrail Livanı vurdu: 23 ölü, 93 yaralı

İsrailin dünən Livana endirdiyi zərbələr nəticəsində azı 23 nəfər ölüb, 93 nəfər yaralanıb.   Sfera.az xəbər verir ki, bu barədə Livan Səhiyyə Nazirl...

Peşə tanınması üzrə imtahanda 149 nəfər uğur qazanıb - DİM

Oktyabrın 6-da Dövlət İmtahan Mərkəzi (DİM) müəllimlik, mühəndislik və hüquq ixtisasları üzrə xarici dövlətlərdə ali təhsil almış şəxslər üçün peşə tanınması üz...

Cəbrayılda məktəb istifadəyə verildi: Şagirdləri gözləyir?

Cəbrayıl şəhərində Mehdi Mehdizadə adına tam orta məktəb istifadəyə verilib.   Məktəbdə ilkin mərhələdə 122 şagird təhsil alacaq, ilin sonunda şagird...

Xaricdə təhsil alanlar imtahan verdi

Dövlət İmtahan Mərkəzi tərəfindən 6 oktyabr 2024-cü il tarixində müəllimlik, mühəndislik və hüquq ixtisasları üzrə xarici dövlətlərdə ali təhsil almış şəxslər ü...