TKTA-dan silsilə mesajlar: konseptual məsələlər - VİDEO
Təhsildə Keyfiyyət Təminatı Agentliyi müxtəlif mövzularda silsilə mesajlardan ibarət video yayımlayıb.
Sfera.az xəbər verir ki, müvafiq məsələlərlə bağlı TKTA-nın İdarə Heyətinin sədri Tural Əhmədov məlumat verib.
T.Əhmədov TKTA-nın yaranmasından, işləmə prinsipindən danışıb və diplomların tanınması ilə bağlı vacib nüanslara toxunub.
O bildirib ki, son illər xaricdə təhsillə bağlı şirkətlər vətəndaşların məlumatsızlığından istifadə edərək yanlış yönləndirir:
“Bunu nəzərə alaraq vətəndaşlara dəstək məqsədilə akkreditasiyası və lisenziyası olmayan xaricdə fəaliyyət göstərən ali təhsil müəssisələrinin siyahısı və son illər agentliyin ekspertizası nəticəsində foralaşmış müvafiq bazaaya istinad edərək ən çox imtina alan ali təhsil müəssisələrinin siyahısı sayta yerləşdirilib. Vətəndaşlara xidməti daha səmərəli həyata keçirmək məqsədi ilə bir neçə ildir ki, elektron şəhadətnamələr istifadəəy verilmişdi. Təəssüf ki, Agentlik son aylar ərzində saxta şəhadətnamələrlə qarşılaşıb. Şaxta şəhadətnamələrin mövcud qanunvericilik kontekstində müvafiq inzibati tənbehlə üz-üzə qaldığını nəzərə alaraq Agentlik bu istiqamətdə aidiyyatı qurumlarla fəaliyyətini həyata keçirməkdədir. İnsanları bir daha agah edirik ki, onlar bu istiqamətdə ayıq-sayıq olsunlar, işəgötürənlər müvafiq şəhadətnamələrin yoxlanılması kontekstində Agentliyin təqdim etdiyi müvafiq elektron baza üzrə onları bir daha yoxlasınlar və həqiqiliyindən əmin olsunlar. Necə deyərlər, sonrakı peşmanlıq fayda verməz”.
Firuzə Əliyeva
