Dərsliklərin əldə edilməsi ilə bağlı valideynlərə MÜRACİƏT
Məktəbəqədər və Ümumi Təhsil üzrə Dövlət Agentliyi dərsliklərlə bağlı valideynlərə müraciət edib.
Sfera.az xəbər verir ki, bu barədə agentlik özü məlumat yayıb.
Məlumatda bildirilib ki, yeni tədris ilinin başlamasına az qalıb. Bu məqsədlə, yerli təhsili idarəetmə orqanlarına dərsliklərin təhsil müəssisələrinə paylanması ilə bağlı müvafiq tapşırıqlar verilib. Tədris ili başlamadan valideynlərdən övladlarının təhsil aldığı müəssisələrə yaxınlaşaraq dərslikləri məsul şəxslərdən təhvil almaları xahiş olunub.Dərsliklərin vaxtında əldə olunması tədrisin səmərəli və fasiləsiz davam etməsi üçün vacibdir. Valideynlər dərsliklərin təhvil alınması üçün müvafiq təhsil müəssisələri ilə əlaqə saxlayaraq proseslə bağlı əlavə məlumat əldə edə bilərlər.
Firuzə Əliyeva
