"Qarabağ Universitetini birlikdə quracağıq!" - Rektor Şahin Bayramov
Qarabağ Universitetinin rektoru Şahin Bayramov ail təhsil ocağının ilk tələbələrini təbrik edib.
Sfera.az xəbər verir ki, rektor bununla bağlı özünün sosial şəbəkə hesablarında paylaşım edib.
Paylaşımda qeyd olunub:
“Qarabağ Universitetinin tələbəsi adını qazanan bütün gəncləri ürəkdən təbrik edir, hər birinə seçimlərinə görə təşəkkürümüzü bildiririk!
Əziz dostlar!
Siz, Möhtərəm Prezidentimiz tərəfindən yaradılmış Qarabağ Universitetinin ilk tələbəsi olmaq şansını düzgün dəyərləndirdiniz!
Siz, Tarixi Zəfərin qazanıldığı torpaqlarımızda fəaliyyət göstərəcək tələbə fokuslu və tədqiqat əsaslı Qarabağ Universitetini seçdiniz!
Siz, tələbə gənclərlə eyni dildə danışmağı bacaran akademik-inzibati heyəti formalaşan Qarabağ Universiteti ailəsinin üzvü oldunuz!
Siz, yüksək intellektli, müasir dünyagörüşlü, vətənpərvər ruhlu, dayanıqlı inkişaf təfəkkürlü, kreativ baxışlı və innovativ düşüncəli məzunlar yetişdirəcək Qarabağ Universitetinin tələbəsi oldunuz!
Hər birimizin qüruru olan Qarabağ Universitetini birlikdə quracağıq!”
Firuzə Əliyeva
