Peşə təhsilinə qəbulla bağlı REKORD MÜRACİƏT - Son bir həftədə...
Peşə təhsili müəssisələrinə maraq rekord səviyyəyə çatıb.
Peşə Təhsili üzrə Dövlət Agentliyindən Sfera.az-a verilən məlumata görə, son bir həftə ərzində 16 min 458 nəfərdən 52 min 540 müraciət daxil olub.
Qeyd edək ki, peşə təhsili almaq istəyən şəxslər 29 iyul – 12 avqust tarixlərində portal.edu.az platformasında qeydiyyatdan keçməklə “Peşə təhsili müəssisələrinə elektron tələbə qəbulu” xidməti vasitəsilə müraciət göndərməlidirlər. 2024/2025-ci tədris ili üzrə tələbə qəbulu 84 peşə təhsili müəssisəsində 136 ixtisas olmaqla 30 min 960 plan yeri üzrə aparılır. Bu yerlərdən 23 min 185 dövlət sifarişli, 7775-i isə ödənişlidir.
Qəbul prosesi ümumi və ya tam orta təhsil bazasını bitirən şəxslər üçün açıqdır. Son müraciət tarixi 12 avqust 18:00-dır.
Firuzə Əliyeva
