Nazirdən peşə təhsili ilə bağlı ÇAĞIRIŞ: "Əsas məqsəd..."

Elm və təhsil naziri Emin Əmrullayev peşə təhsili ilə bağlı çağırış edib.

Sfera.az xəbər verir ki, bu barədə nazir öz “Facebook” sosial şəbəkə hesabında paylaşım edib.

"İyulun 29-dan başlayan peşə təhsili müəssisələrinə tələbə qəbulu prosesi davam edir. Əsas məqsədi işəgötürənlərin tələblərinə uyğun kadrların və müxtəlif sahələrdə ixtisaslı işçi qüvvəsinin hazırlanması olan bu təhsil pilləsi üzrə qəbul portal.edu.az vasitəsilə həyata keçirilir. Qəbul 84 müəssisədə 136 ixtisas üzrə aparılır. Bu ildən isə ilk dəfə olaraq dronların texniki xidməti və təmiri üzrə texnik, elektrik və hibrid avtomobillərinin təmiri, nəqliyyat sistemlərinin texniki istismarı (hava nəqliyyatı), günəş panelləri quraşdırıcısı və təmirçisi və s. istiqamətlərə dair 9 yeni ixtisasda tələbə qəbulu həyata keçirilir. Peşə təhsili müəssisələrinə qəbul üçün müraciət edən bütün şəxslərə uğurlar!" - paylaşımda qeyd olunub.

Firuzə Əliyeva