Azərbaycanda 5 vəzifəli şəxs İŞDƏN ÇIXARILDI - RƏSMİ
![Azərbaycanda 5 vəzifəli şəxs İŞDƏN ÇIXARILDI - RƏSMİ](https://sfera.az/photo/orginal/2024/07/05/1720180986_kreslo.jpg)
Təhsil
16:07 / 05.07.2024
6212
Məktəbəqədər və Ümumi Təhsil üzrə Dövlət Agentliyi (MÜTDA) tərəfindən məktəbdənkənar təhsil müəssisələrində monitorinqlər keçirilir.
Bu barədə Sfera.az-a MÜTDA-dan məlumat verilib.
Bildirilib ki, monitorinqlərin keçirilməsində məqsəd təlim-tərbiyə prosesinin, tədris-pedaqoji və metodiki, eləcə də kadrlarla işin təşkilini və maliyyə-təsərrüfat sənədlərini yoxlamaqdır.
Bakı və digər bölgələrdə yerləşən məktəbdənkənar təhsil müəssisələrində aparılmış yoxlamalara əsasən, 26 direktora xəbərdarlıq, 12 direktora töhmət, 16 direktora sonuncu xəbərdarlıqla şiddətli töhmət verilib, 5 müəssisə rəhbəri işdən azad edilib.
Qeyd edilib ki, monitorinqlər davam etdiriləcək.
Firuzə Əliyeva