Tramp Putinlə bu ölkədə görüşə bilər - Dəvət olacaq
ABŞ Prezidenti Donald Tramp sentyabrın əvvəlində Çin Prezidenti Si Cinpin və Rusiya Prezidenti Vladimir Putinlə görüşmək üçün Pekinə dəvət oluna bilər.
Sfera.az xəbər verir ki, bu barədə “The Times” yazır.
Xəbərə əsasən, ABŞ və Çin arasında bir sıra ticarət sazişləri Trampı Pekinə qarşı düşmənçilik kursunu yenidən nəzərdən keçirməyə məcbur edib.
Ehtimal olunur ki, Amerika lideri İkinci Dünya müharibəsində qələbənin 80-ci ildönümü şərəfinə Çin paytaxtında təşkil olunacaq hərbi paradı izləmək üçün dəvət ediləcək. Paradda iştirak etmək üçün Rusiya Prezidenti Vladimir Putinin də iştirak edəcəyi ehtimal edilir.
Gözləntilərə görə, Tramp bu ölkəyə səfər edəcəyi təqdirdə Putinlə görüşəcək.
Qeyd edək ki, sentyabrın 3-də Pekində İkinci Dünya müharibəsində qələbənin 80 illiyi və Çin Xalqının Yapon işğalçılarına qarşı Müqavimət müharibəsi şərəfinə hərbi parad keçiriləcək. Paradda Çin ordunun təchiz olunduğu yerli silahları nümayiş etdirəcək.
Firuzə Əliyeva
Sfera.az
