Fransanı çətin günlər GÖZLƏYİR: “Yay aylarında qarşıdurma yarana bilər”
“Fransada keçiriləcək yay olimpiya oyunlarında qalmaqal gözlənilir”.
Bu barədə Sfera.az-a “Atlas” Araşdırmalar Mərkəzindən məlumat verilib.
Qeyd olunub ki, keçmiş illərdə dopinq qalmaqallarında daha çox Rusiya idmançılarının adı çəkilib:
“Vəziyyət o həddə çatmışdı ki, Rusiyanın bütöv idman federesiyalarına beynəlxalq yarışlarda iştirakları qadağan edilmişdi. Rusiyanın Ukraynaya qarşı müharibəsi başladıqdan sonra Rusiyanın olimpiya oyunlarına yolu bağlanıb. Rus idmançıları Paris Olimpiadasında ölkələrinin bayraqları altında çıxış edə bilməyəcəklər. Həmin idmançılar yarışlara ancaq fərqi qaydada qatıla bilərlər. Rusiyada siyasi dairələr idmançılarını yay olimpiadasını boykota çağırırlar. Digər tərəfdən, “New York Times” qəzetində yayımlanan məqalədə Dünya Anidopinq Agentliyi (WADA) sərt tənqid olunub. Aydın olub ki, 21 çinli üzgüçü beynəlxalq yarışların birində dopinqdən istifadə edib. Buna baxmayaraq, Dünya Anidopinq Agentliyi dopinq qalmaqalına ciddi yanaşmayıb, üzgüçüləri cəzalandırmayıb”.
Bildirilib ki, ABŞ-nin Antidopinq Agentliyinin başçısı Trevis Tayqart çinli idmançıların dopinqdən istifadəsinə beynəlxalq təşkilatın seyrçi qaldığına görə tənqid edib:
“Tayqart “Politico” nəşrinə verdiyi müsahibədə, WADA-nın Çindən çəkindiyini və buna görə dopinqdən istifadə edən idmançıları cəzalandırmadığını bildirib. Çinli idmançılar olimpiadalarda yüksək nəticələr göstərirlər. Görünür, beynəlxalq təşkilat buna görə çinli idmançıları cəzalandırmaq istəməyib. Mövcud qalmaqalın Paris Olimpiya Oyunlarına kölgə salacağı ehtimal edilir. Çünki eyni idmançılar Paris Olimpiadasında iştirak edəcəklər. Həmin idmançılar yarışlarda qələbə qazansalar, digər ölkələrin federasiyaları bu qələbələri tanımaya bilərlər. Nəticədə yay olimpiyadasında ölkələr arasında qarşıdurma yaranacaq”.
Günay
