Baydenin ötən ilki qazancı açıqlanıb.

Sfera.az bildirir ki, bu barədə Ağ Evin saytında dərc edilmiş vergi bəyannaməsində məlumatlar yer alıb. Qeyd olunub ki, ABŞ Prezidenti Co Bayden və həyat yoldaşı 2023-cü ildə 620 min dollar qazanıblar.

"Prezident və birinci xanım birlikdə vergi bəyannaməsi təqdim ediblər və federal düzəliş edilmiş 619,976 dollarlıq ümumi gəliri bildiriblər. Bu məbləğin demək olar ki, dörddə biri federal gəlir vergisinə xərclənib”, - vurğulanıb.

Həmçinin bildirilib ki, Bayden və həyat yoldaşı xeyriyyəçilik üçün 20.000 dollardan bir qədər çox pul bağışlayıblar:

“Eyni zamanda, ABŞ-nin vitse-prezidenti Kamala Harris və ərinin 2023-cü il üçün gəlirləri 450 min dollardan bir qədər çox olub”.

Qeyd edək ki, 2022-ci ilin sonunda ABŞ lideri və həyat yoldaşı daha az məbləğ qazanıblar. Ağ Evin sənədlərinə görə, onların gəliri təxminən 580 min dollar olub. Onlar 20 müxtəlif xeyriyyə təşkilatına 20,100 dollar bağışlayıblar.

Günay