ABŞ-nin keçmiş lideri Barak Obamanın həyat yoldaşı Mişel Obama 2024-cü il prezident seçkilərində iştirak etmək niyyətində deyil.

Sfera.az xəbər verir ki, bu barədə onun ofisindən bildirilib.

ABŞ-nin keçmiş birinci xanımının ofisi xatırladıb ki, Mişel Obama son illərdə bir neçə dəfə prezidentliyə namizəd olmayacağını deyib:

“Xanım Obama Prezident Co Baydenin və vitse-prezident Kamala Harrisin seçki kampaniyasını dəstəkləyir ”.

Məlumatlı mənbələrə görə, Obama dörd il əvvəl olduğu kimi payızda Baydenin kampaniyasına kömək etməyi planlaşdırır.Barak Obamanın özü də əvvəllər bəyan etmişdi ki, o, ABŞ-nin hazırkı rəhbərinin seçki kampaniyasını tam dəstəkləyir. ABŞ-də prezident seçkiləri noyabrda keçiriləcək. Donald Tramp və Nikki Heyli Respublikaçılar Partiyasından namizəd olmaq üçün mübarizə aparırlar. Bayden Demokratlar Partiyasından yenidən seçilmək niyyətində olduğunu bildirib. 

"The New York Times" və "Siena College" tərəfindən keçirilən sorğuya əsasən, amerikalıların 48%-i seçkidə Trampa, 43%-i isə Baydenə səs verməyə hazırdır.

Əzizə