Pişik sahibini öldürə bilər - Yeni virus yayılıb

Almaniyanın Bavariya bölgəsində bir şəxsin “Borna Xəstəliyi Virusu 1” (BoDV-1) səbəbilə həyatını itirməsi, pişik sahibləri üçün ciddi təhlükə yaradıb. Virusun daşıyıcısı olan Avropa siçanlarının təbii mühitdə yaydığı bu ölümcül infeksiya, pişiklər vasitəsilə insanlara keçə biləcəyi məlum olub.

Sfera.az xarici mediaya istinadən xəbər verir ki, “BoDV-1” virusu daşıyıcı siçanların sidik, nəcis və tüpürcəyi ilə ətraf mühitə yayılır.

Özləri xəstəlik əlaməti göstərməyən bu siçanlar, digər məməliləri və insanları ciddi risk altına salır. Xüsusilə pişiklərin bu gəmiriciləri ovlayaraq evə gətirməsi, virusun insanlara dolaylı ötürülmə ehtimalını artırır.

"Robert Koch" İnstitutunun apardığı araşdırmalara görə, “BoDV-1” səbəbilə baş verən 8 ölüm hadisəsindən 7-si pişik sahibi olan şəxslərdə qeydə alınıb. İnstitutun epidemioloqu Prof. Kirsten Pörtner, pişiklərin ağız və tüklərində qalan yoluxmuş toxumaların, insanlara qucaqlaşma, qum qabının təmizlənməsi və ya ov qalıqları ilə təmas zamanı keçə biləcəyini bildirib.

Virus, hazırda əsasən Cənubi və Şərqi Almaniyada, eləcə də Avstriya, İsveçrə və Lixtenşteyndə məhdud şəkildə yayılıb. Lakin mütəxəssislər bildirir ki, bildirilməyən real yoluxma hallarının sayı daha yüksək ola bilər.

İnsanlarda xəstəlik ilk olaraq qızdırma və baş ağrısı ilə başlayır, daha sonra əzələ nəzarətinin itməsi, qıcolmalar və komaya qədər irəliləyə bilər. Virusun hazırda nə vaksini, nə də təsirli bir müalicəsi mövcuddur.

Pişik sahibləri üçün vacib xəbərdarlıq və tövsiyələr isə bunlardır:

- Ölü və ya xəstə siçanlara heç vaxt əlcəksiz toxunmayın.
- Pişik ilə təmasdan və qum qabının təmizlənməsindən sonra əllərinizi sabunla ən az 20 saniyə yuyun.
- Pişiyin ov qalıqları ilə təmas zamanı əlcək və lazım olduqda maska istifadə edin.
- Pişiyinizdə davranış dəyişikliyi, yerimə pozuntusu və ya büdrəmə kimi nevroloji əlamətlər müşahidə etdikdə dərhal baytara müraciət edin.
- Özünüzdə izah olunmayan qızdırma, baş ağrısı və ya sinir sistemi ilə bağlı əlamətlər varsa, dərhal həkimə müraciət edin.

Mütəxəssislər hesab edir ki, pişiklərlə gəmiricilərin təmasının qarşısını almaq və şəxsi gigiyenaya riayət etmək bu ölümcül virusdan qorunmanın ən effektiv yoludur.

Bəsti Rəfizadə
Sfera.az