Çoxlu duz qəbulu bu problemi yaradır - Konqresdə təqdim ediləcək

Finlandiya Sağlamlıq və Rifah İnstitutunun tədqiqatçıları müəyyən ediblər ki, çoxlu duz qəbul edən insanlarda ümumi və ya qarın piylənmə riski daha yüksəkdir.

Sfera.az xəbər verir ki, tədqiqatın nəticələri mayın 11-14-də Avropa Piylənmə Konqresində (ECO 2025, İspaniya) təqdim olunacaq.

Tədqiqatda yaşı 18 və daha yuxarı olan 2222 kişi və 2792 qadın iştirak edib. Subyektlərdən natrium qəbulunu (xörək duzunun tərkib hissəsi) qiymətləndirmək üçün pəhrizlərini təfərrüatlandırmaq istənib. İştirakçılardan bəzilərindən (558 kişi və 702 qadın) sidik nümunələri götürülüb.

İkinci mərhələdə bütün iştirakçılarda bel ətrafı və çəkiləri ölçülüb. Nəticələr göstərib ki, orta gündəlik natrium qəbulu kişilərdə 12 qram, qadınlarda isə 9 qramdır. Qeyd olunur ki, Ümumdünya Səhiyyə Təşkilatı beş qrama qədər istehlak etməyi tövsiyə edir.

Alimlər həmçinin müəyyən ediblər ki, duz sevənlər və sidiklərində yüksək natrium konsentrasiyası olan iştirakçılar daha çox ümumi və ya qarında piylənmə, gövdə və daxili orqanlarda piylərin çökməsi inkişaf edir. Tədqiqatçılar aktiv olaraq natrium istehlak edən qadınların ümumi piylənmə riskinin 4,3 dəfə, qarın bölgəsində piylənmə ehtimalının isə 3,4 dəfə artdığını hesablayıblar. Kişilər üçün artan risk müvafiq olaraq 6,0 və 4,7 dəfə olub.

Firuzə Əliyeva