Ümumdünya Səhiyyə Təşkilatı (ÜST) dünyanın ölümcül virus təhlükəsi altında olduğunu açıqlayıb. 

Sfera.az bildirir ki, qurum “Marburg” virusu epidemiyasının yayılması riskinə qarşı xəbərdarlıq edib. Bildirilib ki, virus 88 faiz ölüm nisbətinə malikdir.

ÜST-nin məlumatına görə, 29 sentyabr 2024-cü il tarixində Afrika ölkəsi olan Ruandanın 7 bölgəsində 26 fakt aşkar edilib. Bunlardan 8-i ölüm halı olub. 

“Virus riski ölkə səviyyəsində çox yüksək, regional səviyyədə yüksək, qlobal səviyyədə isə aşağı səviyyədə qiymətləndirilir. Lakin epidemiyanın qonşu ölkələrə yayılma riski var, çünki Ruandada qeydə alınan virus Konqo Demokratik Respublikası, Birləşmiş Tanzaniya Respublikası və Uqanda ilə həmsərhəd bölgələrdə də qeydə alınıb”, - qurumun yaydığı bəyanatda bildirilib.

ÜST vurğulayıb ki, virusun beynəlxalq yayılma riski yüksəkdir: “Ruanda Şərqi Afrikanın bir çox şəhərləri ilə yol şəbəkəsinə və beynəlxalq hava limanına malikdir. Virusa yoluxan şəxslərdən biri Belçikaya səyahət edib və bununla bağlı müdaxiləyə başlanılıb. Hazırda virusun müalicəsi və peyvəndi yoxdur”.

Məlumata görə,  ölüm göstəriciləri yüksək olan “Marburg” virusu insanlara yarasalardan keçib. Bildirilib ki, simptomlar arasında şiddətli baş ağrısı, qarın ağrısı, burun və ağız qanaxması var.

Türkan