Yaşlıların yuxu keyfiyyətini yaxşılaşdıran içki bəlli olub
Şizuoka Mərkəzi Tədqiqat İnstitutunun ( Yaponiya ) alimləri müəyyən ediblər ki, matcha yaşıl çay tozu yaşlılarda yuxu və sosial bacarıqları yaxşılaşdırır.
Sfera.az xəbər verir ki, bu barədə araşdırmanın nəticələri "PLOS One" jurnalında dərc olunub .
Tədqiqatçılar 99 yaşlı şəxslərə matcha yaşıl çayının (Camellia sinensis bitkisindən hazırlanmış toz yaşıl çay) koqnitiv funksiyaya və yuxu keyfiyyətinə təsirini təhlil ediblər. 64 könüllü çaşqınlıq və ya yaddaş itkisi ilə özünü göstərən koqnitiv funksiyada subyektiv eniş yaşayıb. Digər 35 nəfərdə yüngül koqnitiv pozğunluq olub - onların yaddaşı və təfəkkürü yaşıdlarından daha pis işləyib. Tədqiqatçılar könüllüləri gündə iki qram matcha tozu və ya bir plasebo olan kapsul qəbul etmək üçün iki qrupa ayırıblar. Təcrübənin başlamasından 12 ay sonra tədqiqatçılar koqnitiv funksiya və yuxu keyfiyyətindəki dəyişiklikləri təhlil ediblər.
Nəticələr göstərib ki, toz halında çay içmək könüllülərin sosial bacarıqlarının əhəmiyyətli dərəcədə yaxşılaşması ilə əlaqələndirilib - onlar digər insanların psixoloji vəziyyətini qavramaqda və ondan asılı olaraq davranışlarını tənzimləməkdə daha yaxşı olublar. Bundan əlavə, matcha kapsulları qəbul edən iştirakçılar yuxu keyfiyyəti indeksində daha yüksək bal göstəriblər.
İnci
Sfera.az
