Alimlər müəyyən ediblər ki, qatığa bal əlavə etmək bağırsaqların sağlamlığını yaxşılaşdıra bilər.

Sfera.az xəbər verir ki, bu barədə Health.com məlumat yayıb. Nəşrin məlumatına görə, həzm fermentləri probiotiklərin əksəriyyətini, yəni qidada olan faydalı mikrobları məhv edir. ABŞ-də aparılan iki müstəqil araşdırma balın qatıqdakı faydalı maddələrin insanın həzm sistemində qalmasına kömək etdiyini göstərib.

Alimlər hesab edirlər ki, balın tərkibindəki yüksək şəkər bakteriyaların sözdə "sağ qalmasına" kömək edir. Qlükoza çox güman ki, probiotiklər üçün enerji mənbəyidir. Mütəxəssislər onu da qeyd ediblər ki, balın qatığa əlavə edilməsi qatığın insan üçün faydalılığını artırır.

İnci
Sfera.az