Bu məhsullardan çox istifadə ZİYANDIR - Qadınların NƏZƏRİNƏ!

Dəriyə qulluq məhsullarından keyfiyyətli nəticə almaq üçün onlardan doğru miqdarda istifadə etmək lazımdır. Bu məhsullardan az istifadə effektsizliyə, çox istifadə isə müxtəlif fəsadlara yol aça bilər. 

Sfera.az həmin məhsullardan düzgün istifadə qaydalarını təqdim edir:

Təmizləyici məhsullar

Təmizləyici məhsullardan az miqdarda istifadə olunmalıdır. Təxminən fındıq böyüklüyündə miqdar kifayət edir. 200 ml-lik qabda olan məhsul gündə 2 dəfə istifadə edilməklə 4 aya bitməlidir. 

C vitamini

Səhərlər təxminən 3-4 damcı kifayət edir. Yağ əsaslı C vitaminlərinə su əsaslı vitaminlərdən daha az ehtiyac olur. 30 ml-lik şüşə gündə 1 dəfə istifadə edilməklə təxminən 3 aya bitməlidir. 

Retinol 

İstifadə tezliyini yavaş-yavaş artırmaq lazımdır. Birinci həftədə iki dəfə, ikinci həftədən hər iki gündən bir, üçüncü həftədən isə hər gecə tətbiq etmək lazımdır. Miqdarın noxud böyüklüyündə olması tövsiyə edilir. Bu məhsuldan çox istifadə etmək dərinin qıcıqlanmasına və zədələnməsinə səbəb ola bilər.

Nəmləndirici

Nəmləndirici məhsullardan da çox istifadə edilməməlidir. 50 ml-lik qab gündə iki dəfə istifadə etməklə 3-4 aya bitməlidir.

Günəş kremi

Günəşə çıxmazdan 20 dəqiqə əvvəl istifadə olunmalıdır. Üz üçün 2 barmaq krem kifayət edir. Boğaz və sinə üçün isə miqdarı bir qədər artırmaq olar. Günəş şüasına uzun müddət məruz qalınacaqsa, hər 2 saatdan bir günəş kremi istifadə edilməlidir.

Ülkər Abdurahmanlı