Alimlər: Cinsi əlaqənin olmaması qadınlar üçün həyati təhlükə yaradır
![Alimlər: Cinsi əlaqənin olmaması qadınlar üçün həyati təhlükə yaradır](https://sfera.az/photo/orginal/2024/07/25/1721934280_vv.jpg)
Minneapolisdəki Uolden Universitetinin amerikalı alimləri qadınlarda cinsi fəaliyyətlə gözlənilən ömür arasında əlaqə tapıblar
Sfera.az xəbər verir ki, bu barədə tədqiqat "Journal of Psychosexual Health" (JPH) elmi jurnalında dərc olunub.
Komanda 2005-ci ildən 2010-cu ilə qədər ABŞ-də keçirilən Milli Sağlamlıq və Qidalanma İmtahan Sorğunun məlumatlarını təhlil edib.
Tədqiqat nümunəsinə 20-59 yaş arasında olan 14,542 amerikalı böyüklər daxil edilib.
Tədqiqatçılar hər hansı səbəbdən ölüm halları, depressiya, cinsi əlaqənin tezliyi, piylənmə və müxtəlif demoqrafik faktorlarla bağlı məlumatlardan istifadə ediblər.
Təhlil göstərib ki, iştirakçıların 95%-i ildə 12 dəfədən çox, 38%-i isə həftədə bir dəfədən çox intim əlaqədə olub.
Alimlər müəyyən ediblər ki, həftədə bir dəfədən az cinsi əlaqədə olan qadınların daha aktiv cinsi yaşıdları ilə müqayisədə vaxtından əvvəl ölmə riski 70% çoxdur.
Qadınlarda nadir cinsi əlaqə ilə birlikdə depressiya olduqda, sağlam və cinsi aktiv həmyaşıdları ilə müqayisədə hər hansı səbəbdən vaxtından əvvəl ölüm şansı 197% artır.
“Bizim tapıntılarımıza görə, cinsi fəaliyyət ürək-damar sisteminin ümumi sağlamlığı üçün vacibdir, ola bilsin ki, ürək dərəcəsi dəyişkənliyinin azalması və qan axınının artması üçün də... İctimai sağlamlıq müdaxilələri cinsi sağlamlıq nəzərə alınmaqla hazırlanmalıdır”,- deyə tədqiqat müəllifləri fikirlərini yekunlaşdırıblar.
İnci
Sfera.az