Siqaret tüstüsündə əksəriyyəti nikotin, qətran və xərçəng yarada bilən kanserogenlərdən ibarət 400-ə qədər kimyəvi maddə mövcuddur. 

Sfera.az bildirir ki, bu barədə TƏBİB-in məlumatında qeyd olunub.

Bildirilib ki, tütünün tərkibində olan karbonmonooksid, nikotin, qətran kimi maddələr ağciyərlərin fəaliyyətini pozur:

“Həmçinin oksigen çatışmazlığı ürək krizisi ehtimalını artırır. Ağız qoxusu, diş əti xəstəlikləri, dad hissiyyatının zəifləməsi, yaddaş zəifliyi, ruhi gərginlik, yuxusuzluq, xroniki baş ağrıları, gözdə katarakta və korluq və s. kimi xəstəliklər məhz siqaretə olan aludəlikdən yaranır”.

Bildirilib ki, tütündən istifadə edilməsi ölümə aparan ən mühüm səbəblərdən biridir:

“Bu zərərli vərdiş dünyada hər on nəfərdən birinin həyatına son qoyur. Bundan başqa, tütünçəkmənin təsiri nəticəsində 25-dən çox xəstəlik, o cümlədən ürək-damar, ağciyər və onkoloji xəstəliklər daha da ağırlaşır”.

Günay