"Məruz qaldığımız stressin səbəbi bu insanlardır" - AÇIQLAMA

İnsanların məruz qaldığı stressin 90 faizi başqalarından qaynaqlanır. Bir neçə gün ard-arda stressə məruz qalmaq insanlarda analiz qabiliyyətini aşağı salır. Bizə stress yaşadan insanlar əsl təhlükə mənbəyidir.

Bəs hansı tip insanlardan uzaq durmaq lazımdır?

Mövzu ilə bağlı Sfera.az-a danışan psixoloq Ləman Məmmədova bildirib ki, mənfi enerji ötürən insanların bir sıra tipləri var.

Ruhumuzu sömürənlər – bu insan tipləri mənfi enerji ötürür və yalnız pis xatirələri xatırladır.

“Bu insanlar hər açılan günə, oturduğu süfrəyə, işlədiyi yerə nifrət edir. Hər zaman fincanın boş tərəfini görürlər. Daim həyatlarından şikayətçidirlər. Ən əsası da ətrafa ümidsizlik yayırlar".

Psixoloq bildirib ki, qeybətcil insanlar da həyatımıza mənfi təsir göstərir:

"Qeybətcil insanlar öz həyatlarını deyil, başqalarının həyatını danışaraq, müqayisə edərək yaşayırlar. Başqasının arxasıyla danışıb qeybət edən insanlara güvənmək olmaz. Koala insan tiplərindən də uzaq durmaq lazımdır. Onlar dünyanın ən ləng insanlarıdır. Biz ətrafımızdakı 5 insanın ortaq məxrəciyik. Tənbəl insanlar şəxsi inkişafa mane olurlar. Bu tip insanlar ilə mübahisə etmək lazım deyil. Onların həyatımıza mənfi təsir göstərməsinin qarşısını almaq üçün onlardan uzaq durmaq lazımdır."

Ülkər Abdurahmanlı