Siqareti tərgitmək istəyənlər üçün - xəbər

"Dəfələrlə tərgitmək istəmişəm, amma bacarmamışam”.

Siqaret aludəçiliyindən əziyyət çəkən insanların bu cür şikayətlərini tez-tez  eşitmək mümkündür. Lakin bir neçə məsləhətə əməl etməklə bu bəladan birdəfəlik xilas olmaq mümkündür.

Mütləq idmana başlayın. Mümkün qədər çox hərəkət etməyə çalışın. Çünki idmandan sonra bədəninizdə müəyyən yorğunluq olacaq, o yorğunluqla siqaret çəkmək isə heç yadınıza da düşməyəcək.

İnsanların əksəriyyəti ac olanda, əsəbləşəndə siqaret qutusuna əl atırlar. Buna görə də, çalışın bu vəziyyətlərdən uzaq olasınız. Yox, əgər mümkün deyilsə o zaman həmin anda başqa işlə məşğul olun. Məsələn, sevdiyiniz insanlarla söhbətləşin və ya sadəcə sevdiyiniz musiqi sədaları altında rəqs edin.

Siqareti tərgitməyin üçüncü üsulu isə sudur. Gün ərzində çoxlu miqdarda su qəbul edin. Çünki su bədəninizdəki nikotini yuyub aparacaq və tezliklə nikotin mərkəzi sıradan çıxacaq.

Siqaret çəkmək əvəzinə saqqız çeynəyin, konfet, müxtəlif çərəzlər yeyin.

Xatırladaq ki, siqaret il ərzində 6 milyon insanın ölümünə səbəb olur. Son 7 ildə siqaret istehsalının həcmi də 12 faiz artıb. Bu da siqaretin ən çox gəlir gətirən sahələrdən biri olması ilə bağlıdır.