Saatlıda ölümlə nəticələnən yol qəzası olub
19:45 / 07.09.2020
2625
Saatlı rayonunda ölümlə nəticələnən yol-nəqliyyat hadisəsi baş verib.
Daxili İşlər Nazirliyinin mətbuat xidmətindən Sfera.az-a bildiriblər ki, rayonun Musalı kəndi ərazisində Naharlı kənd sakini İ.İbrahimovun idarə etdiyi "VAZ-2107” markalı avtomobillə şəhər sakini İlham Salmanovun idarə etdiyi motosiklet toqquşub. Xəstəxanaya yerləşdirilmiş İ.Salmanovun həyatını xilas etmək mümkün olmayıb.
Hadisə ilə bağlı Saatlı Rayon Polis Şöbəsi tərəfindən təhqiqat aparılır.