Rusiya Ukraynaya bu tarixdə genişmiqyaslı hücum edəcək - Oleksiy Reznikov AÇIQLADI
11:35 / 04.12.2021
878
Rusiya-Ukrayna arasındakı gərginlik davam edir.
Sfera.az bildirir ki, bu dəfə Ukraynanın müdafiə naziri Oleksiy Reznikov müharibənin başlayacağı vaxtdan söz açıb. O, Donbasdakı böhran səbəbinə görə Rusiyanın yanvar ayının sonunda Ukraynaya genişmiqyaslı hücuma hazırlaşdığını açıqlayıb. Müdafiə naziri bununla bağlı əllərində kəşfiyyat məlumatlarının olduğunu deyərək, Rusiyanın Ukrayna sərhədləri yaxınlığında 94 mindən çox əsgər topladığını vurğulayıb.
"Hücum gerçəkləşərsə, qarşılıq verməyə hazırıq. Kəşfiyyatımız bütün ssenariləri, o cümlədən ən pisini təhlil edir. Rusiya hazırda "qış təlimi dövrü"nə başlayıb və Moskva Ukrayna ərazisi yaxınlığında təlimlər keçirir. Rusiyanın ilhaq etdiyi Krımda və Ukraynanın şərqindəki separatçıların nəzarətində olan ərazilərdə təxminən 100 min əsgərinin olduğu təxmin edilir”, - deyə nazir əlavə edib.
Günay Rəsulqızı
Sfera.az