İran neft ixracını bərpa etdi

Vaşinqton və Tehran, digər məsələlərlə yanaşı, ABŞ-nin İran limanlarına qarşı blokadasının qaldırılmasını nəzərdə tutan çərçivə sazişini elan etdikdən sonra, İran tankerləri iki aydan sonra ilk dəfə xam neft ixrac etməyə başlayıb.

Sfera.az bu barədə “CNN”ə istinadən xəbər verir

Dəniz nəqliyyatını izləyən analitik şirkət “TankerTrackers”in məlumatına görə, İran tankerləri artıq iki partiya neft ixrac edib.Şirkətin peyk görüntüləri ilə təsdiqlənmiş məlumatlarına görə, 3,8 milyon barel xam neft daşıyan ən azı iki İran Milli Tanker Şirkətinin supertankeri ABŞ dəniz blokadası xəttini keçib.

Xatırladaq ki, ABŞ Prezidenti Donald Tramp bazar ertəsi günü Hörmüz boğazının razılaşdırılmış memorandumun şərtlərinə uyğun olaraq yenidən açıldığını elan etsə də, sonradan vaxt çərçivəsini dəyişdirərək, cümə günü İsveçrədə sənədin rəsmi imzalanmasından sonra boğazın yenidən açılacağını açıqlayıb.

Firuzə Əliyeva
Sfera.az