“Netflix”in yeni sənədli filmində məşhur pop ulduzu Kayli Minouq xərçəngi sağlamlığı ilə bağlı gözlənilən bir etiraf edib.

Sfera.az bildirir ki, Kayli Minouq 2005-ci ildə döş xərçəngini məğlub etdikdən sonra 2021-ci ilin əvvəlində ikinci dəfə xərçəng diaqnozu qoyulduğunu açıqlayıb. Lakin, vaxtında müayinə sayəsində xəstəliyi aşkar edərək xəstəliyə qalib gəlib.

Kayli bu etirafı “Netflix”in yeni "Kayli" adlı sənədli filmində edib:

"İkinci xərçəng diaqnozum 2021-ci ilin əvvəlində qoyuldu. Bunu gizli saxlaya bildim. İlk dəfə olduğu kimi deyil. Yenə də sağ qaldım. Hər şey yaxşıdır"- deyə o bildirib.

Minouq etiraf edib ki, müalicəsindən sonra, xüsusən də 2023-cü ildə çıxan və “Qremmi” mükafatı qazanan "Padam Padam" sinqlının böyük uğurundan sonra ictimaiyyət qarşısında çıxış etmək üçün düzgün vaxtı tapmaq çətin olub.

"Dünyaya bu barədə danışmaq məcburiyyətində deyiləm və o vaxtlar bunu edə bilməzdim, çünki sıravi bir insan idim. Bir vaxtlar evdən bir daha çıxmaq istəmirdim. Daxildə xərçəngin həyatımda sadəcə bir ani hadisə olmadığını bilirdim. Həqiqətən də baş verənləri bölüşmək istəyirdim ki, bundan əl çəkə bilim"- deyə o bildirib.

O, 2023-cü ildə "Tension" albomundan çıxardığı "Story" mahnısının həyatının bu dövrünə toxunduğunu bildirib.

Sənədli filmin əlavə materiallarında Minouq bu məlumatı paylaşmağın onun seçimi olduğunu və adi müayinədən sonra diaqnoz qoyulduğunu bildirib.

Qeyd edək ki, 57 yaşlı Minouq ilk dəfə 2005-ci ilin may ayında döş xərçəngi diaqnozu qoyulanda 36 yaşında idi. Müalicədən sonra Minouq 2007-ci ildə “X” albomu ilə musiqiyə qayıdıb. Albomdan "2 Hearts", "Wow" və "In My Arms" da daxil olmaqla, Böyük Britaniyanın Top 10-luğuna daxil olan üç hit sinql çıxıb.

“Kayliə sənədli filmi

Yeni “Netflix” sənədli filmi üç hissədən ibarətdir və rejissoru Maykl Qartdır. Qart həmçinin Devid Bekhem haqqında uğurlu dörd hissəli “Netflix” sənədli filmini də montaj edib. Filmdə Minouq ilə yanaşı, onun bacısı Dannii, eləcə də keçmiş duet ortaqları Jason Donovan və digərləri ilə müsahibələr yer alır.

Aynil

Məşhur müğənni ikinci dəfə xərçəngə qalib gəldiyini açıqladı