100 gün təcriddə yaşamaq şərtilə 23.000 avro qazanmaq istərdinizmi? Cavabınız "bəli"dirsə, Almaniya sizə bu fürsəti təqdim edir.

Sfera.az bildirir ki, Almaniya kosmik missiyalara hazırlıq çərçivəsində 100 gün tam təcriddə yaşamağa razı olacaq insanlar axtarır. İştirakçılar həmçinin 23.000 avro ödəniş alacaqlar.

Almaniya Yer kürəsində kosmik səyahətin sərt şərtlərini sınaqdan keçirmək üçün unikal bir tədqiqata başlayıb. Bu elmi təcrübədə iştirak etməyə razı olan şəxslər 100 gün ərzində Yerdən tam təcrid olunmuş vəziyyətdə yaşamağa öhdəlik götürəcəklər. Tədqiqatın sonunda könüllülər 23.000 avro məbləğində ödəniş alacaqlar.

Tədqiqat zamanı könüllülər 24 saat nəzarət altında olacaqlar. Təcridin insan bədəninə fiziki və psixoloji təsirləri ekspert qrupları tərəfindən izləniləcək.

İştirak etmək istəyən namizədlər sağlam olmalı, ingilis dilində səlis danışmalı və ən azı bakalavr dərəcəsinə malik olmalıdırlar. Texniki, tibbi və ya oxşar elmi sahələrdə təcrübəsi olan namizədlərə də üstünlük veriləcək.

Bəs bu tədqiqat niyə aparılır?

Layihə uzunmüddətli təcriddə insanın dözümlülüyünü ölçmək və uzunmüddətli kosmik missiyaların astronavtlara psixoloji və fiziki təsirlərini araşdırmaq məqsədi daşıyır. Həmçinin, astronavtların Aya və Marsa göndərildikdə qarşılaşacaqları şərtləri sınaqdan keçirəcək. Buna görə də, könüllülər əslində ora getmədən kosmosa səyahət edəcəklər. Əsl astronavtlar kimi, onlar da elmi tapşırıqlar yerinə yetirəcək, məşq edəcək və məhdud resurslarla yaşamağı öyrənəcəklər. İştirakçılar kosmik stansiya simulyasiyası çərçivəsində Yer kürəsindən tamamilə təcrid olunmuş şəkildə yaşayacaqlar.

Bu tədqiqat təkcə kosmik tədqiqatlar üçün deyil, həm də Yer üzündə qocalıq və ya xəstəlik səbəbindən uzun müddət yataq xəstəsi olan insanların müalicəsi üçün vacib məlumatlar təqdim edəcək.

Aynil

Bu insanlara tək şərtlə 23 min avro veriləcək