ABŞ Türkiyəni bu sanksiyadan AZAD ETDİ - Nazir AÇIQLADI

ABŞ Türkiyəni “Qazprombank” sanksiyasından azad edib.

Sfera.az xəbər verir ki, bunu Türkiyənin Enerji və Təbii Sərvətlər naziri Alparslan Bayraktar “Bloomberg”ə açıqlamasında bildirib. O, ABŞ-li həmkarları ilə görüşlərdən sonra belə bir güzəşti əldə edə bilib.

Qeyd edək ki, Rusiya xaricə satdığı qazın pulunu yalnız “Qazprombank” vasitəsilə alır. ABŞ “Qazprombank”a ödəniş edənlərə sanksiya tətbiq etməyə başlayıb. Türkiyə də Rusiyadan qaz alır və alınan qazın pulunun ödənilməsində çətinlik yaranmışdı. ABŞ-nin güzəşti Türkiyənin Rusiyadan qaz alışını davam etdirməsinə imkan yaradacaq.

Nazir bildirib ki, Türkiyə təbii qaz borcunu “Qazprombank” vasitəsilə ödəməyə davam edəcək. Bayraktar deyib ki, əgər istisna olmasaydı, Türkiyə də sanksiyaların hədəfində olacaqdı.

Vasif

Sfera.az