Qadın beş il ərzində özünü ölmüş əkiz bacısı kimi göstərdi: Ailəsi necə reaksiya verdi?
Çindən olan Annie Niu ailəsinə beş il ərzində özünü viral meningit nəticəsində ölən əkiz bacısı kimi göstərdiyini etiraf edib. Valideynlər bu barədə bilsələr də, sağlamlıqlarından qorxaraq bu məlumatı nənə və babalardan gizlətməyə qərar veriblər. Qadın bu barədə “TikTok”da danışıb.
Sfera.az bildirir ki, Çinli qadın 4,4 milyon baxış toplayan viral videosunda bu barədə paylaşım edib.
"Nəhayət ailəmə əkiz bacımın beş il əvvəl öldüyünü dedim. Bundan sonra onun bütün ailə fotolarını yığışdırdılar" - yazıb.
Niunun sözlərinə görə, bunu sirr saxlamaq qərarına gələn onun atası olub. Heç kimin heç nə təxmin etməməsi üçün o, tez-tez qohumlarına mərhum bacısı kimi göstərərək yanına dəvət edib.
Niunun 92 yaşlı nənəsi 2023-cü ilin iyulunda xəstələnəndə o, atası ilə nəhayət həqiqəti üzə çıxarmaq qərarına gəlib və nəvələrindən birinin artıq onu qarşı tərəfdə gözlədiyini bildirib. Bundan sonra bibilər və əmilər faciədən xəbər tutublar.
Enni ailə üzvlərinin bundan sonra bacısının fotoşəkillərini divarlardan çıxarmağa başlamasından şikayət edib. Bu onu çox kədərləndirib. Eyni zamanda, hələ sağ olan baba hələ də heç nə bilmir. Qohumları onun qayğısına qalmaq qərarına gəliblər.
Bir çox izləyici videonun müəllifinə rəğbətini bildirib. Bəziləri sevdiklərindən də oxşar sirlər saxladıqlarını etiraf ediblər.
Aysel
