Növbəti uğursuzluğu: Cennifer Lopez 90 milyon dollar itirə bilər
Məşhur amerikalı müğənni və aktrisa Cennifer Lopez çətin günlərini yaşamağa davam edir. Tənqidçilər tərəfindən soyuq qarşılanan "Atlas" serialına, uğursuz tur və evlilikdəki problemlərə yeni birisi əlavə edilib.
Sfera.az bildirir ki, J.Lo konsert turlarından planlaşdırdığından xeyli az qazana bilər. Belə ki, əvvəlcə “The Park MGM” Teatrı J.Lo-nun 90 konsert verməsini istəmiş və hər tamaşa üçün bir milyon ödəyəcəyini vəd etmişdi. İndi çıxışların sayı azaldıla bilər və hər bir konsert üçün ödəniş iki dəfə azaldıla bilər.
Sənətçiyə əvvəlcə hər konsert üçün milyon dollar təklif olunub. Ancaq indi sövdələşmə yumşaq desək, laxlamış kimi görünür. Hətta bir mənbə iddia edir ki, müğənninin yeni albomu və turu uğursuz olduğu üçün kazino rəhbərlərinin “ayağı yer alıb”, “cığallıq edirlər".
Mənbə həmçinin iddia edir ki, bilet satışının olmaması Lopezin xeyli az qonorar almasına səbəb olacaq. O, hər şou üçün cəmi 500-600 min alacaq, konsertlərin sayı isə 90-dan azalacaq.
"Bu, Teatr üçün əsl çevriliş olacaq və planetin ən böyük ulduzlarından birinin şəhərə qayıtması böyük hadisə olacaq".
Həqiqətən məlum olub ki, Cenifferin cəmi bir neçə həftə sonra (iyunun sonunda) başlayacaq çoxdan gözlənilən turunda yeddi şəhərdə çıxışlar ləğv edilib. Bu barədə elan edildikdən sonra işlər daha da pisləşib. Ləğv edilən çıxışlar: avqustun 22-dən 30-dək Nashville, New Orleans, Raleigh, Atlanta, Houston, Klivlend və Tampada keçirilməsi planlaşdırılan konsertlərdir.
Cennifer Lopezin konsert turu ciddi təhlükədədir.
Nə müğənni, nə də onun komandası ləğvin səbəbi ilə bağlı şərh verməsələr də, jurnalistlər şou üçün bilet satışının həddən artıq aşağı olduğunu bildirirlər.
Aprelin əvvəlində Lopezin son 5 ildə ilk dəfə baş tutacaq turnenin adının “This Is Me... Now”-dan “The Tour to This Is Me...Canlı” olaraq dəyişdirildiyi açıqlanıb. Sənətçi proqrama nəinki son albomu “This Is Me... Now”, eləcə də köhnə hitlərini əlavə edib. Bu rebrendinq “This Is Me... Now”u bəyənməyən fanatları cəlb etmək məqsədi daşıyırdı.
Şayiələrə görə, Cennifer son iki ildə son dərəcə uğurlu turlar keçirən Taylor Swift və Madonna kimi rəqiblərinin uğurlarından ilhamlanaraq bu qərarı vermişdi.
Bilet satışının zəif olması səbəbindən turun təşkilatçısı “Live Nation” müğənnini konsert turunu ləğv etməyə çağırsa da, Lopez razılaşmayıb.
"Live Nation bilet satışının olmamasından çox narahatdır və Ceniffer səhnəyə çıxanda stadionlarda boş oturacaqları görəndə özünü yöndəmsiz hiss etməsini istəmir. Lakin Ceniffer bunu ləğv etməyi qüruruna sığışdıra bilmir. Məhz buna görə də indi nə olursa olsun, heç kim onu qərar dəyişməyə inandıra bilməyəcək”- deyə məlumat verənlər bildirir.
J.Lo-nun qastrol səfərini ləğv etməyə hazır olmamasının digər səbəbi isə son illərdə özünü çox ifşa etməsidir.
"Əvvəlcə onun evliliyi, sonra sonsuz bal ayı, sonra film və sonra albom buraxılışı manşetlərdə oldu. Sonra maliyyələşdirdiyi "The Greatest Love Story Never Told" sənədli filmində Benlə arasındakı sevgi hekayəsini danışaraq, bütün dünyaya çatdırmağa ehtiyac duydu. İndi Benninin onu böyük bir turda tək qoyması həddən artıq ağır olacaq” deyirlər.
Qeyd edək ki, dünya ulduzunun yeni albomu “Billboard” reytinqində 38-ci yerdə debüt edib ki, bu da Cenifferin Top20-yə daxil olmayan ilk albomu oldu.
Aysel
Sfera.az
