"Zelenski mayın 21-dən fırıldaqçıya çevrilib” - Ukraynanın sabiq Baş naziri
Ukraynanın keçmiş Baş naziri Nikolay Azarov bildirib ki, ölkə prezidenti Volodimir Zelenski mayın 20-dən sonra legitimliyini itirib.
Sfera.az xəbər verir ki, onun sözlərini "RİA Novosti" sitat gətirib.
"Ümumiyyətlə, seçki qanunvericiliyi və Ukrayna Konstitusiyası ilə tanış olan hər kəs üçün tamamilə aydındır ki, Zelenski mayın 21-dən fırıldaqçıya çevrilib”, - Azarov bildirib.
Mayın 29-da Rusiya Prezidentinin mətbuat katibi Dmitri Peskov Ukrayna qanunvericiliyinin dəfələrlə pozulduğunu deyib.
Mayın 28-də isə Rusiya lideri Vladimir Putin bildirib ki, Volodimir Zelenski, çox güman ki, artıq Ukraynanın qanuni prezidenti sayıla bilməz. Zelenskinin səlahiyyət müddəti mayın 20-də başa çatıb və Ukraynada hərbi vəziyyətə görə yeni seçkilər ləğv edilib.
Putinin sözlərinə görə, Ukrayna qanunvericiliyində səlahiyyətin Radanın sədrinə keçməsi nəzərdə tutulur. Moskva bu məsələni vacib hesab edir, çünki sülh sazişləri yalnız qanuni hökumətlə imzalana bilər.
Əzizə
