Səyahət növləri arasında hava səyahəti ən təhlükəsiz variant kimi tanınır. Buna səbəb təyyarə qəzalarının digər avtomobil qəzalarından qat-qat az olmasıdır. Lakin bu məlumatlara baxmayaraq, hava səyahətindən qorxanların da sayı kifayət qədər çoxdur. Soruşsanız niyə? Çünki təyyarə qəzalarının sayı az olsa da, miqyasına görə daha dəhşətlidir.
 

Fobiyanızı tətikləmək niyyətində deyilik, ancaq Sfera.az sizin üçün tarixdəki ən ölümcül təyyarə qəzalarından bəzilərini təqdim edir.


1979-cu il Çikaqo

1979-cu ildə Çikaqo O'haredən Los-Ancelesə havaya qalxan təyyarənin ekipajı havaya qalxdıqdan dərhal sonra təyyarədə nasazlıq görüb və çox keçmədən sol mühərriki xarab olduğundan təyyarə qəzaya uğrayıb. Qəzaya səbəb havaya qalxmazdan əvvəl lazımi texniki prosedurların yerinə yetirilməməsi olub. Bu qəzada 13 ekipaj üzvü və 258 sərnişin həyatını itirib.


1988 Lokerbi

1988-ci ildə Londondan Nyu-Yorka uçan təyyarə Şotlandiyanın Lokerbi şəhərində qəzaya uğrayıb. Səbəbi sırf siyasi görünən qəzanın Qəddafinin göstərişi ilə həyata keçirilib-keçirilməməsi hələ də müzakirə mövzusudur, lakin təəssüf ki, bu qəzada 17-si şəhər sakini olmaqla 275 nəfər həyatını itirib.


1988-ci il İran təyyarəsi

1988-ci ildə İrandan havaya qalxan sərnişin təyyarəsi ABŞ-ın Fars körfəzi donanması tərəfindən vurulub. Həm də siyasi fəlakət olan bu qəzada 290 nəfər həyatını itirib. Ən acınacaqlısı isə təyyarə havada vurulduğundan əksər sərnişinlərin cəsədlərini əldə etmək mümkün olmayıb. Cəsədlərin müəyyən hissələrə ayrılaraq bir tərəfə səpələndiyi bilinir.


1980-ci il Ər-Riyad

1980-ci ildə Ər-Riyaddan havaya qalxan sərnişin təyyarəsi yük anbarında baş verən yanğına görə sürətlə uçuş-enmə zolağına qayıdıb. Lakin həm yanğınsöndürmə heyətinin gec gəlməsi, həm mühərriklərin gec dayanması, həm də təcili çıxışları açmaq uğursuzluğu kimi bütün ən pis ssenarilər baş verib. 14 ekipaj və 301 nəfər həyatını itirib.


1985-ci il Toronto təyyarəsi

1985-ci ildə Hindistan Hava Yollarına məxsus təyyarə Torontodan Dehliyə uçub. Təyyarə İrlandiya üzərində olarkən bu dəfə terrorçuların yerləşdirdiyi bomba səbəbindən sözün əsl mənasında partlama olub. Təyyarə çox böyük olduğu üçün 329 nəfər həyatını itirib.
 

1996 Toqquşma

1996-cı ildə ancaq film ssenarilərində görünə biləcək qəza baş verib. Səudiyyə Ərəbistanına məxsus təyyarə ilə Qazaxıstana məxsus sərnişin təyyarəsi havada toqquşub. Toqquşmanın səbəbinin sadəliyi qan dondurucudur. Qazaxlı ekipajın ingilis dili zəif olub və qüllə sözünü səhv başa düşüblər. Təəssüf ki, bu qəzada 349 nəfər həlak olub.

1985-ci il Takamagahara

1985-ci ildə Tokiodan Osloya uçan təyyarə texniki baxım səhvinə görə Takamagahara dağına çırpılıb. Təyyarə qəzası tarixində ikinci ən ölümcül qəza sayılan bu fəlakətdə möcüzə də olsa, 4 nəfər sağ qalıb, 520 nəfər ölüb.


1977 Tenerife

Təyyarə qəzası tarixində ölüm sayına görə ilk yerdəki hadisə isə Tenerife hava limanında KLM və Pan Am təyyarələrinin toqquşmasıdır. Rabitə çatışmazlığı və qatı dumanın səbəb olduğu qəzada ümumilikdə 583 nəfər həyatını itirib.

Xanım

Sfera.az