Ukrayna 30 günlük atəşkəsə razılaşdı

Ukrayna Prezidenti Volodimir Zelenski Kiyevdə səfərdə olan Avropa ölkələrinin liderləri ilə birlikdə Ağ Ev rəhbəri Donald Trampa zəng edib.

Sfera.az “Qafqazinfo”ya istinadən xəbər verir ki, bu barədə Ukrayna Xarici İşlər Nazirliyinin rəhbəri özünün “X” səhifəsində bildirib.

Onun sözlərinə görə, Kiyevdə “könüllülər koalisiyası”nın görüşündən sonra Zelenski və Fransa Prezidenti Emmanuel Makron, Almaniya kansleri Fridrix Mertz, Polşanın Baş naziri Donald Tusk və Böyük Britaniyanın Baş naziri Kir Starmer ABŞ lideri ilə sülh səyləri ilə bağlı konstruktiv telefon danışığı aparıblar.

O bildirib ki, Kiyev və onun müttəfiqləri mayın 12-dən başlayaraq ən azı 30 gün ərzində quruda, havada və dənizdə tam, qeyd-şərtsiz atəşkəsə hazırdır.