“Paşinyan Lukaşenkonun bu sözünü bəhanə edəcək” – Onu küsdürən açıqlamanın ŞƏRHİ

Xəbər verdiyimiz kimi, Belarus Prezidenti Aleksandr Lukaşenko Kollektiv Təhlükəsizlik Müqaviləsi Təşkilatının (KTMT) iclasında Ermənistanın Baş nazirinə problemli məsələləri Azərbaycanla danışıqlar masasında həll etməyi təklif edib. Lukaşenko bununla təşkilat üzvlərinin münaqişə istəmədiyini qeyd edib.

Bu təklif isə Ermənistan tərəfində birmənalı qarşılanmayıb və Ermənistan XİN Lukaşenkonun KTMT üzvü kimi fəaliyyətinin şübhə altında olduğunu bildirib.

Maraqlıdır, Lukaşenkonun təklifi nəyə hesablanıb?

Mövzu ilə bağlı Sfera.az-a danışan sabiq xarici işlər naziri Tofiq Zülfüqarov Paşinyanın Luaşenkonun bu təklifini bəhanə edəcəyini bildirib:

"Lukaşenko demək istədi ki, problemli məsələləri Azərbaycanla həll etmək lazımdır və onlar Ermənistanın işçğalçı siyasətini dəstəkləməyəcəklər. İndi hamı başa düşür ki, Ermənistan köhnə işğalçılıq siyasətini davam etdirir. Ermənistanın büdcəsində təxminə 370 milyon dollar ermənilərə məxsus qondarma Qarabağ  qurumlarını maliyələşdirmək üçün ayrılıb. Bu siyasətə isə nə Rusiya, nə də Belarusa dəstək vermək istəyir. Bu baxımdan Lukaşenonun açıqlaması məntiqlidir. Paşinyan da Qərbə meyil etmək üçün bu kimi açıqlamaları bəhanə edəcək”.

Sabiq nazir Belarusun Azərbaycanla bağlı rəyinin illərdir ki, müsbət olduğunu qeyd edib. Müsahibimizin sözlərinə görə, son illər Belarusla əməkdaşlıq də burada öz sözünü deyir.

“Bundan qabaq da Belarusun Azərbaycana münasibəti Ermənistana nisbətdə daha yaxşı olub. Çünki Azərbaycan həmişə Belarusun yanında idi. Bir neçə il öncə bu ölkənin maliyyə problemləri olanda Lukaşenko Prezident İlham Əliyevə müraciət etdi və onlara lazımi dəstək göstərildi. Bəyanatlar sadəcə onu göstərir ki, Ermənistanın nüfuzu hətta üzv olduğu təşkilatda da aşağıdır. Biz bu vəziyyəti uzun illər xarici siyasəti düzgün aparmaqla yarada bilmişik. Belə ki, Azərbaycan uzun müddət postsovet ölkələri ilə xüsusi münasibətlər qurub, əməkdaşlıq edib və yardım göstərib. Lakin Ermənistan həmişə kiminsə hesabına nə isə əldə etməyə çalışıb. Əminəm ki, Azərbaycanın gələcəkdə də Belarus, Qazaxıstan, Özbəkistan kimi ölkələrlə münasibətləri çox yaxşı olacaq", -T.Zülfüqarov diqqətə çatdırıb.

Əzizə Zeynal