Kremldən Rusiyanın "taxıl dəhlizi" sazişindən çıxması ilə bağlı AÇIQLAMA
Türkiyə prezidenti Rəcəp Tayyip Ərdoğanın Rusiyanın "taxıl dəhlizi" sazişindən çıxmasına reaksiyasından sonra Kremldən açıqlama gəlib.
Sfera.az bildirir ki, taxıl müqaviləsinin dayandırılmasının səbəbini açıqlayan Kreml verdiyi yazılı bəyanatda "Ukraynanın addımları taxıl müqaviləsinə ziyan vurdu. Razılaşma risklidir və zəmanət verilmir", deyə qeyd edib.
Digər tərəfdən taxıl dəhlizi ilə bağlı son hadisələrdən sonra Milli Müdafiə naziri Hulusi Akarın bu axşam Rusiya Müdafiə naziri Sergey Şoyqu ilə telefonla görüşəcəyi vurğulanıb.
Xatırladaq ki, Rusiya Federasiyasının Müdafiə Nazirliyi Ukrayna taxıl ixracı sazişində iştirakın dayandırıldığını elan edib. Agentlik buna səbəb kimi Ukraynanın həmin gün “Böyük Britaniya mütəxəssislərinin iştirakı ilə” Qara dəniz donanmasının gəmilərinə və “taxıl dəhlizi”nin təhlükəsizliyinin təmin edilməsində iştirak edən mülki gəmilərə qarşı həyata keçirdiyi əməliyyatı göstərib.
Müqavilə iyulun 22-də Türkiyə və BMT-nin vasitəçiliyi ilə Rusiya və Ukrayna tərəfindən imzalanıb.
Günay Rəsulqızı
