ABŞ-da maraqlı hadisə yaşanıb.

Sfera.az bildirir ki, Nyu Cersi ştatında yaşayan bir kişi 1947-ci ildə kitabxanadan götürdüyü kitabı 75 ildən sonra geri qaytarıb.

Belə ki, Bob Yablonski 14 yaşında Cersi Şəhər Xalq Kitabxanasından Oden Rudolfun “Hitler” adlı kitabını götürüb. Onu 89 yaşında təhvil verən Yablonski bildirib ki, kitabı evini təmizləyərkən tapıb. İşçilər sözügedən şəxsin geri qaytardığı kitabda heç bir aşınma və ya zədələnmənin olmadığını bildiriblər.

Cersi Şəhər Xalq Kitabxanasının direktor müavini Keyt Davis Hudson hadisədən sonra verdiyi açıqlamada, “Əgər kimsə cənab Yablosnki ilə eyni vəziyyətə düşərsə, minlərlə dollar cərimə ödəməkdən çəkinməsin. Cənab Yablonski kitabı 70 ildən sonra heç bir borcu olmadan geri qaytardı və siz də bunu edə bilərsiniz", deyə söyləyib.

Qeyd edək ki, Cersi Şəhər Xalq Kitabxanası keçən il vaxtı keçmiş kitablara görə oxuculardan alınan cəriməni ləğv edib.

Türkan