“Olaylar”-25: “Hər zaman dövlətimizin yanında olmuşuq. Yola davam”-Yunus Oğuz
13:15 / 25.04.2020
2362
"Bu gün Azərbaycan media sahəsində öz sözünü demiş "Olaylar" İnformasiya Agentliyinin və qəzetinin 25 illiyidir".
Sfera.az xəbər verir ki, bu sözləri "Olaylar" İnformasiya Agentliyi və "Olaylar" qəzetinin rəhbəri Yunus Oğuz deyib. Yunus Oğuz bildirib ki, olduqca çətin bir dövrdə yaradılmış media qurumu inkişaf edərək böyük uğurlar əldə edib: "Bəşəriyyəti cənginə almış koronavirus pandemiyası səbəbindən yubileyi geniş qeyd edə bilmirik. Qəzet və agentliyi yaşatmaq üçün hansı ağrılardan və keçmişik bir Tanrı bilir. Neçə siyasətçi və ictimaiyyətçi, mediada sözü və çəkisi olan jurnalist "Olaylar" ailəsində yetişib. Bizim əlimizdən qələm alıb, köməyimizlə ictimai-siyasi həyata vəsiqə qazanıb. Neçələri yüksək vəzifələrə yüksəlib, neçələri "vurulub”...Yarandığı ilk gündən Azərbaycan dövlətinin və millətinin yanında olmuşuq. Dövlətçiliyimizə xidmət etmişik. Bundan sonra da belə olacaq! Həmişə şərəfli bir ömür yaşamışıq, belə də davam etdirmək fikrindəyik. Yolumuza davam. "Olaylar" adına bütün insanların 25 yaşı mübarək!".