Britni Spirs oğullarını məyus etdi
Britni Spirs bir daha ailə qalmaqalının mərkəzində düşüb. Oğulları Şon Preston və Ceyden analarının Paris Moda Həftəsində birgə podium debütünü görməməzlikdən gəlmələrindən dərin narazılıqlarını bildiriblər. Oğlanlar müğənninin yoxluğunu, xüsusən də onunla münasibətlərini bərpa etmək üçün xeyli səy göstərdikdən sonra, əsl arxadan bıçaqlanma kimi qəbul ediblər.
Sfera.az bildirir ki, 20 yaşlı Şon Preston və 19 yaşlı Ceyden Spirs Britninin həyatlarının bu vacib mərhələsində onlara dəstək olmaq əvəzinə Los-Ancelesdə qalmağa qərar verməsindən qəzəbləniblər. Müğənninin başqa bir uşaq istəməsi ilə bağlı son qəribə sosial media paylaşımı yanğına köz töküb.
Bu addım oğlanlar üçün böyük bir məyusluq olub. Onlar ümid edirdilər ki, illərdir davam edən ictimai xaosdan və 2007-ci ilin oktyabrında keçmiş əri Kevin Federlayn lehinə himayədarlıq hüququnu itirdikdən sonra anaları ilə münasibətləri nəhayət ki, düzələcək.
Ailəyə yaxın bir mənbənin sözlərinə görə:“Dəfələrlə və əvvəlcədən aydın şəkildə bildiriblər ki, əgər o gəlib oğullarını dəstəkləsə, onlar üçün son dərəcə vacib olacaq".
44 yaşlı pop divanın uçmaq qorxusunu haqlı çıxarmaq cəhdi oğullarında yalnız qıcıqlanmaya səbəb olub. Qohumlar qeyd edirlər ki, bu izahat absurd görünür, çünki Britni müntəzəm olaraq tətil üçün planetin müxtəlif guşələrinə uçur. Uşaqları üçün vacib olan bir vaxtda Los-Ancelesdə qalmaq qərarı onları daha da qəzəbləndirib.
Son zamanlar müğənninin 2023-cü ildən bəri ataları Kevin Federlayn və ögey anası Viktoriya Prins Havayda yaşayan oğulları anaları ilə daha da yaxınlaşdıracaqları üçün əllərindən gələni edirlər. Xüsusilə, Britninin sərxoş vəziyyətdə avtomobil idarə etdiyinə görə həbs olunmasından sonra onu dəstəkləmək üçün Los-Ancelesə gəliblər. Analarını kömək istəməyə inandıra bilən yeganə şəxslər də oğulları olub.
Xatırladaq ki, müğənni sonda ehtiyatsızlıqdan avtomobil idarə etməkdə günahını etiraf edib, bir illik şərti cəza alıb, xüsusi kurslar keçməli və cərimə ödəməli olub.
Lakin Parislə bağlı bu son hadisə münasibətlərindəki hər hansı kövrək irəliləyişi məhv edib. Oğullar hiss etdilər ki, Britni yalnız onun üçün ən asan və ən əlverişli olduqda ana rolunu oynamağa hazırdır. Nəticədə, oğlanlar anaları ilə qarşılıqlı münasibətlərində qoruyucu bir divar qurublar.
Aynil