Övladları Bred Pitti ictimaiyyət qarşısında alçaltdı
Ancelina Coli və keçmiş əri Bred Pittin uşaqları Zahara və Maddoks, atalarının soyadını rəsmi olaraq ləğv etmək üçün növbəti addım atıblar.
Sfera.az bildirir ki, Bred Pittin uşaqları Zahara və Maddoks, "Pitt" soyadını rəsmi olaraq ləğv etmək üçün qəzet elanları yerləşdiriblər.
Əldə edilən məhkəmə sənədləri göstərir ki, 21 yaşlı Zahara ardıcıl dörd həftə, hər həftə ərzində bir dəfə” Los Angeles Daily Journal” qəzetində aktyorun adının silinməsi üçün ərizə dərc edib.
Qəzet elanında həmçinin dəyişikliyə etiraz edən hər kəsdən son iclasdan əvvəl yazılı etiraz bildirmələri istənilir.
Zaharanın hazırda 28 sentyabr tarixinə təyin olunmuş məhkəmə iclası var və hakim ərizə ilə bağlı qərar verəcək. Heç kim etiraz etməzsə, hakim onu təmin edə bilər.
Maddoksa gəldikdə isə, məhkəmə sənədləri göstərir ki, 24 yaşlı gəncin ərizəsi bacısının 10, 17 iyun, 24 iyun və 1 iyul tarixlərində verdiyi ərizə ilə eyni nəşrdə dərc olunub. Qəzetdə ərizənin dərc edilməsi Kaliforniya ştatında rəsmi ad dəyişikliyi üçün məcburi tələblərdən biridir.
Qeyd edək ki, Zahara əvvəllər rəsmi olaraq Zahara Coli-Pitt deyil, Zahara Coli adlandırılmasını xahiş etmişdi. O, həmçinin Spelman Kollecindən məzun günündə atasının soyadını ləğv edib.
Maddoks oxşar bir tələb irəli sürərək, "şəxsi" səbəblərə istinad edərək adını Maddoks Çivan Coli-Pittdən Maddoks Çivan Coliyə dəyişdirib.
Fevral ayında gənc oğlan Colinin son filmi olan "Couture" üzərindəki işinə görə qeyri-rəsmi olaraq atasının soyadını titrlərdə qeyd etməyib.
Onu da qeyd edək ki, keçmiş cütlüyün altı övladı var: Maddoks, Paks, Zahara, Şilo, Knoks və Vivyen. Son üçü biolojidir. Onların hamısının ataları ilə münasibətləri pisdir. Maddoks ilə münaqişə isə ən qalmaqallıdır. 2020-ci ildə aktyorun övladlığa götürülmüş oğlu onu ədəbsiz sözlərlə təhqir edib və bu, yalnız bir neçə il sonra mediada yayılıb.
Xüsusilə, Hollivud aktyorunun yetkin bioloji qızı Şilo rəsmi olaraq soyadından imtina edib və vəkil tutub. Daha sonra “Broadway”də Coli ilə fəal şəkildə işləyən Vivyen də atasının soyadından imtina edib.
"Onlar üçün Bredi bağışlamaq və boşandıqdan sonra onunla münasibətlərini düzəltmək çətin idi. Anaları ailənin başçısıdır və onları bütün həyatları boyu sevgi və sədaqətlə böyüdüb. Bred gedəndə Ancelina ilə dalaşdığını görmək onlar üçün çox çətin idi"- deyə mənbə bildirib.
Aynil
