Güzgü qarşısında özüylə danışan bürclər
Güzgünün qarşısına keçib özü-özü ilə danışan insanlara rast gəlmisiniz? Bəzi insanlar güzgüyə yalnız görünüşlərini yoxlamaq üçün baxmır. Onlar vacib söhbətləri məşq edir, gün ərzində yaşadıqlarını təhlil edir, hətta özlərinə motivasiya vermək üçün güzgü qarşısında danışırlar.
Astroloji şərhlərə görə, güzgü qarşısında özü-özü ilə danışmağa daha çox meyilli olan 4 bürc var.
Əkizlər
Əkizlər üçün güzgü qarşısı bir növ məşq meydançasıdır. Kiməsə demək istədiyi sözləri əvvəlcə beynində qurur, daha sonra isə müxtəlif variantları özü-özü ilə müzakirə edir.
Xüsusilə vacib görüş, mübahisə və ya uzun müddətdir demək istədiyi bir fikir varsa, qarşı tərəfin verə biləcəyi cavabları da təsəvvür edə bilər. Hətta bəzən güzgünün qarşısından ayrılana qədər bütün söhbəti beynində dəfələrlə canlandırmış olur.
Qız
Qız bürcü güzgü qarşısında özü ilə danışırsa, böyük ehtimalla beynindəki qarışıqlığı nizamlamağa çalışır. Gün ərzində baş verən hadisələri, harada səhv etdiyini və nəyi fərqli deməli olduğunu yüksək səslə düşünə bilər.
“Bunu niyə belə dedim?” sualı ilə başlayan söhbət qısa müddətdə ətraflı vəziyyət təhlilinə çevrilə bilər. Güzgü qarşısında danışmaq ona həm özünü toparlamağa, həm də problemlərə daha aydın baxmağa kömək edə bilər.
Şir
Şir bürcü üçün güzgü yalnız xarici görünüşünü yoxlamaq vasitəsi deyil. O, bəzən güzgü qarşısında özünə motivasiya verir, özünəinamını bərpa edir və “Sən bunu da bacararsan” deyərək özünü ruhlandırır.
Xüsusilə çətin və ya pis keçən gündən sonra bir neçə dəqiqə güzgü qarşısında danışmaq Şir üçün rahatladıcı ola bilər. Yaşadığı məyusluğu dilə gətirdikdən sonra özünü toparlayaraq yoluna davam etməyə çalışır.
Bu səbəbdən bir Şiri güzgü qarşısında özünə “Möhtəşəmsən”, “Budur!” və ya “Canım özüm” deyərkən görsəniz, təəccüblənməyin.
Əqrəb
Əqrəb bürcü hadisələri uzun-uzadı düşünməyi sevdiyi üçün güzgü qarşısında apardığı söhbətlər də fərqli xarakter daşıya bilər. Gün ərzində eşitdiyi bir cümlə, qarşılaşdığı bir baxış və ya qəribə hesab etdiyi davranış uzun müddət fikrindən çıxmaya bilər.
Əqrəb hadisəni əvvəldən sona qədər yenidən təhlil edir, qarşı tərəfin niyə belə davrandığını düşünür və öz reaksiyasını da qiymətləndirir. Bəzən güzgüyə baxaraq “Mən burada nəyi gözdən qaçırıram?” sualını özünə verə bilər.
Bir neçə dəqiqəlik düşüncədən sonra isə hadisənin əvvəlcə diqqətindən yayınan yeni bir detalını belə üzə çıxara bilər.
