1a:T7a4,

Xiyar qabığı əksər hallarda mətbəxdə tullantı kimi qiymətləndirilsə də, əslində bir çox faydalı istifadə sahəsinə malikdir.

Sfera.az xəbər verir ki, mütəxəssislər xiyarın qabıq hissəsinin lif, antioksidant və müxtəlif faydalı maddələrlə zəngin olduğunu bildirirlər. Bu səbəbdən onu yalnız qida kimi deyil, gündəlik həyatda müxtəlif məqsədlər üçün də istifadə etmək mümkündür.

Xiyar qabığı xüsusilə dəri qulluğunda effektiv vasitə hesab olunur. Göz altına qoyulduqda şişkinliyin və yorğun görünüşün azalmasına kömək edə bilər. Eyni zamanda dərini sərinləşdirərək təravət hissi yaradır və yağ balansının qorunmasına dəstək verir.

Bundan başqa, xiyar qabıqlarından ev təmizliyində də yararlanmaq mümkündür. Kran, lavabo və digər metal səthlərə sürtüldükdə onların daha parlaq görünməsinə kömək etdiyi bildirilir. Həmçinin bəzi xoşagəlməz qoxuların azaldılmasında da istifadə oluna bilər.

Mətbəxdə isə xiyar qabıqları müxtəlif içkilərə əlavə edilərək təbii aroma mənbəyi kimi istifadə edilir. Suya qatıldıqda yay aylarında sərinləşdirici təsir göstərən təravətli içki əldə etmək mümkündür. Həmçinin buz qəliblərinə yerləşdirilərək içkilərə fərqli dad və qoxu qatmaq olar.

Mütəxəssislər qeyd edirlər ki, xiyar qabıqlarının bu cür istifadəsi həm tullantıların azalmasına, həm də məişətdə daha qənaətli yanaşmanın formalaşmasına kömək edir.

Qeyd olunur ki, istifadə etməzdən əvvəl xiyarın qabığı yaxşı yuyulmalı, üzərində pestisid və ya digər kimyəvi qalıqların olmamasına diqqət yetirilməlidir./demokrat.az

4:[["$","script",null,{"type":"application/ld+json","dangerouslySetInnerHTML":{"__ht

Xiyar qabığını zibilə atmayın — Gözlənilməz faydaları var