Şok hadisə: yüzlərlə sərnişin ölümün bir addımlığında...
Litvanın “Avion Express” aviaşirkətində çalışan L.A.B. adlı pilot, yalnız ikinci pilot lisenziyasına sahib olmasına baxmayaraq, sənədləri saxtalaşdıraraq kapitan vəzifəsini ələ keçirib.
Sfera.az xəbər verir ki, mənbələrə görə, həmin şəxs Avropada onlarla uçuş həyata keçirib və yüzlərlə sərnişini daşıyıb. Bundan əvvəl o, İndoneziyanın “Garuda” aviaşirkətində birinci zabit kimi çalışıb.
“Avion Express” nümayəndələri araşdırmanı təsdiqləyiblər: “Bu yaxınlarda onun peşəkar təcrübəsinə şübhə yaradan məlumatlar əldə etdik və dərhal daxili araşdırma başlatdıq,” – deyə şirkət açıqlama verib.
Həmçinin, pilotun “Avion Express”in heyət və təyyarə təmin etdiyi “Lufthansa” törəmə şirkəti “Eurowings” üçün də uçuşlar həyata keçirmiş ola biləcəyi ehtimal edilir. “Eurowings” nümayəndəsi Almaniya mətbuatına açıqlamasında artıq araşdırmaya başladığını bildirib.
Qeyd edək ki, “Avion Express” hazırda “easyJet”, “LOT” və “SunExpress” də daxil olmaqla əsas Avropa daşıyıcıları üçün çarter və müqavilə uçuşları həyata keçirir və 50-dən çox “Airbus A320” və “A321” təyyarəsini idarə edir.
Aynil
