1a:T7fd,

Dünyaca məşhur ABŞ animasiya serialı “The Simpsons” yenidən müzakirələrin mərkəzinə düşüb. Sosial şəbəkələrdə yayılan və izləmə rekordları qıran bir videoda ABŞ Prezidenti Donald Trampın tabutda uzandığı görüntülər əks olunub. Səhnədəki detallardan biri isə izləyiciləri daha da heyrətləndirib.

Sfera.az xarici mediaya istinadən xəbər verir ki, görüntülərdə, səhnənin bir küncündə yer alan qəzet parçasında “12 avqust 2025” tarixi və altında “Tramp ölü tapıldı” ifadəsi yer alır.

Eyni qəzetdə “Çox güclü bir ad susdurulacaq” sözləri də diqqət çəkir.

Bu kadrlar sosial mediada geniş yayılıb və izləyicilər arasında müxtəlif reaksiyalara səbəb olub. Bəzi istifadəçilər bunun təsadüfi olmadığını, müəyyən mesajlar verildiyini iddia edirlər. Digərləri isə bu cür səhnələrin əvvəldən planlaşdırılmış ssenarilərin tərkib hissəsi olduğunu düşünür.

Qeyd edək ki, “The Simpsons” əvvəllər də bir sıra mühüm qlobal hadisələri “öncədən proqnozlaşdırmaqla” gündəmə gəlmişdi. Serialda 11 sentyabr hücumları, Ebola virusu, koronavirus pandemiyası və Donald Trampın prezident seçilməsi kimi hadisələr illər öncə epizodlarda əks etdirilmişdi.

Hazırda nə serialın yaradıcılarından, nə də rəsmi mənbələrdən bu səhnə ilə bağlı hər hansı açıqlama verilməyib.

Bəsti Rəfizadə
Sfera.az

“Simpsonlar”ın Trampla bağlı "iddia"sı səs-küy yaratdı - FOTO