1a:T7e8,

Fransanın sahil şəhərlərində yay mövsümündə üst geyimsiz şəhər daxilində dolaşan kişilərə qarşı yeni qaydalar qüvvəyə minib. Les Sables Dolonne, Kassis, Nitsa və Saint Tropez kimi məşhur kurort bölgələrində sinəsi açıq şəkildə gəzən şəxslərə 150 avroya qədər cərimə tətbiq edilir.

Sfera.az xarici mediaya istinadən xəbər verir ki, yerli hakimiyyətlər tərəfindən qəbul olunan qaydalara əsasən, nəzarətçilər qaydanı pozan turistləri müəyyən edərək cərimələyirlər.

Yeni tənzimləmə yalnız kişilərə deyil, qadınlara da şamil olunur. Bir çox bölgədə qadınların bikinidə və ya mayo ilə mağaza və restoranlara daxil olması qadağan olunub. Küçə geyimi ilə bağlı bu cür tələblər əsasən yerli əhalinin çoxsaylı şikayətləri əsasında qəbul edilib.

Rəsmilər bildirir ki, sahillərdə üstsüz gəzmək hələ də sərbəstdir, lakin şəhər mərkəzlərində bu davranış yolverilməz sayılır. Bu fərqi daha aydın göstərmək məqsədilə bir sıra şəhərlərdə “Şəhərdəykən geyinərəm” yazılı məlumat lövhələri yerləşdirilib.

Sables Dolonne şəhərinin bələdiyyə sədri Yannik Moreau qərarı belə əsaslandırıb:

“Sablais xalqı insanların yarıçılpaq gəzməsini istəmir”.

La Qrande Motte şəhərinin meri isə restoran sahiblərinin yarıçılpaq turistlərlə bağlı şikayətlərinin artdığını və bu vəziyyətin “nə gigiyenik, nə də hörmətli” olmadığını vurğulayıb.

Fransada geyimlə bağlı ümummilli qanun olmasa da, bələdiyyələr öz inzibati səlahiyyətləri çərçivəsində bu kimi məhdudiyyətləri tətbiq edə bilirlər.

Bəsti Rəfizadə
Sfera.az

4:[["$","script"

Bu şəhərdə yarıçılpaq gəzənlər cərimələnəcək - Maraqlı qərar