İkinci Dünya Müharibəsindən bir dünya brendinə - “Fanta”nın yaranma tarixi

İkinci Dünya Müharibəsiİkinci Dünya Müharibəsinin gətirdiyi çətinliklər təkcə döyüş cəbhələrində deyil, mətbəxlərdə də yeniliklərə səbəb oldu. Almaniyada xammal böhranının ortasında bu gün bütün dünyada tanınan bir içki doğuldu.

Bəs müharibənin qaranlıq günlərində “Fanta”nın doğulmasına nə ilham verdi?
 

Sfera.az mövzu ilə bağlı maraqlı yazı təqdim edir.

Dünyada milyonlarla insanın sevdiyi “Fanta”nın hekayəsi İkinci Dünya Müharibəsinin keşməkeşli günlərində başlayıb. Bununla belə, bu hekayə adi qazlı içki istehsalından daha çoxunu özündə birləşdirir. Müharibənin gətirdiyi xammal böhranları yaradıcı həll yoluna və bu gün ikonik bir brendə çevrilmiş “Fanta”nın ortaya çıxmasına səbəb oldu.
 

1939-cu ildə başlayan İkinci Dünya Müharibəsi təkcə silah müharibəsi deyil, həm də ticarət və iqtisadiyyat müharibəsi idi. Müttəfiqlərin Almaniyada tətbiq etdiyi ticarət embarqoları bir çox sektoru iflic etmişdi.
 

Bu böhrandan təsirlənənlərdən biri “Coca-Cola”nın Almaniya filialı oldu.
 

Artıq Amerikadan şəkər siropu və digər əsas xammal gətirilə bilməzdi. “Coca-Cola”nın Almaniyadakı direktoru Maks Keyt bu çətin vəziyyət qarşısında “əldə olanlarla nə edə bilərik?” sualı üzərində fikirləşmək məcburiyyətində qalıb.


Keyt Almaniya bazarını itirmək istəmirdi. Beləliklə, o, mövcud materiallardan istifadə edərək alternativ içki hazırlamaq üzərində işə başladı. Dövrün şərtlərində mövcud olan zərdab və meyvə qabıqları kimi xammaldan istifadə edərək yeni içki istehsal edilib.
 

Fəhlələr arasında almanca “Fantasie” mənasını verən “Fantasie” sözündən sonra “Fanta” adlandırılan bu içki müharibə dövründə insanların ehtiyaclarına yaradıcı cavab idi. Almaniyada istehsal olunan və qısa zamanda məşhurlaşan “Fanta” ucuzluğu ilə insanların əhval-ruhiyyəsini artırdı. Lakin bu dövrdə istehsal edilən “Fanta” müasir versiyasından tamamilə fərqli idi.
 

Çətin xammal böhranı şəraitində istehsal olunduğundan onun tərkib hissələri alma, zərdab və meyvə qabıqlarından ibarət idi. 1945-ci ildə müharibə başa çatdıqda “Coca-Cola” Almaniyadakı əməliyyatlarına nəzarəti bərpa etmişdi. “Fanta” bir müddət unudulsa da, 1950-ci illərdə İtaliyada portağal ətirli içkilərə artan tələbat markanın canlanmasına kömək etdi.
 

“Coca-Cola” “Fanta”-nı portağal ətirli içki kimi yenidən formalaşdırdı və tezliklə beynəlxalq bazarda böyük uğur qazandı. Geniş çeşidli ləzzətləri və ucuzluğu ilə bu içki geniş auditoriyaya müraciət etmiş və II Dünya Müharibəsinin yaradıcı yan təsirlərindən biri kimi tarixdə öz yerini tutmuşdur.

“Fanta” hekayəsi böhran dövründə insan yaradıcılığının necə böyük imkanlara çevrilə biləcəyini bir daha sübut edir.

Xanım