İtlərin böyütdüyü Oksana Malayanın qeyri-adi hekayəsi - FOTO

Bəzi uşaqlar yalnız itləri təqlid etməklə əylənirlər. Lakin Oksana Malaya üçün bu, oyun deyil, sağ qalma yolu idi. Ailəsi tərəfindən baxımsız qalan bu kiçik qız küçə itləri ilə yaşamağa başlayıb. Beş il itlərlə eyni mühitdə böyüyüb, onların davranışlarını mənimsəyib. Bir gün onu tapanlar gözlərinə inanmayıblar.

Sfera.az bu qeyri-adi hekayənin təfərrüatlarını təqdim edir.

Oksanın uşaqlığı normal başlamayıb. O, 1983-cü ildə Ukraynanın Nova Blaqoveşensk kəndində anadan olub. Sağlam doğulsa da, valideynləri laqeyd və spirtli içkilərə aludə olublar. Evdə uşaq çox olub və Oksana getdikcə kənarda qalan uşağa çevrilib. Bir gecə çöldə qalanda onun cəmi üç yaşı olub və valideynləri onun itdiyini belə hiss etməyiblər.

Soyuqdan qorunmaq üçün fermadakı it yuvalarına sığınan balaca Oksana orada itlərlə yaşamağa başlayıb.

Onun davranışı indi insandan çox itə bənzəyirdi.

İtlər dərhal onu övladlığa götürərək özlərinə bənzədiyini düşündükləri bu balaca qızı qoruyublar. Zaman keçdikcə Oksana onların yemək, təmizlik və ünsiyyət kimi davranışlarını təqlid etməyə başlayıb.

Dörd ayaq üstə yeriyir, əyilib yeyir, özünü yalayırdı. O, hətta hürməklə ünsiyyət qurmağı da öyrənib. Beş il sürünün bir hissəsinə çevrilmiş Oksana artıq oyunlar oynayır, ov edir və gecələr itlərlə yatırdı.

Onu tapdıqdan sonra insan və ya heyvan olması mübahisəli olub.

Bir kənd sakini Oksanı təsadüfən tapanda, bu barədə səlahiyyətlilərə xəbər verib. Lakin itlər onun zərər görməsini istəmədikləri üçün məmurlara yaxınlaşmağa imkan verməyiblər. İtləri yemlə aparıblar və Oksana səkkiz yaşlı uşaq kimi deyil, vəhşi heyvan kimi tapılıb. Onu himayədarlıq evinə yerləşdirəndə o, yerdə sürünür, dili ilə su içir, əşyaları basdırır, hətta bölüşmək istəmədiyi şeyləri qorumaq üçün hönkürürdü.

Maraqlısı o idi ki, Oksana əslində əvvəllər bəzi insan davranışlarını öyrənmişdi. Yəni danışmağı, yeriməyi, əllərini işlətməyi bilirdi, amma itə oxşayan vərdişləri o qədər hakim idi ki, insan davranışına qayıtmaq çətin idi.

Zaman keçdikcə yüzlərlə söz öyrəndi və yenidən ayaq üstə getməyə alışdı. Lakin onun psixoloji və əqli inkişafı yaşıdlarından xeyli geri qalırdı. O, yetkinlik yaşına çatsa da, davranışında hələ də uşaq cəhətləri var idi. 2013-cü ildə verdiyi müsahibədə o, tək qalanda hələ də dörd ayaq üstə yeridiyini bildirib.

Beş il yalnız itlərlə ünsiyyət onun inkişafına dönməz şəkildə təsir etmişdi.

Bu gün o, fermada yaşayır, heyvanlara baxır və “it qız” adlandırılmasını sevmədiyini açıq şəkildə bildirir. Buna baxmayaraq, o, illər əvvəl ona sığınacaq verən itlərə olan sevgisini hələ də davam etdirir.

Aysel