Kliniki ölümdən sağ çıxan qadın: “Ruh ölmür”
ABŞ-nin Texas ştatında yaşayan 25 yaşlı Brianna Lafferti səkkiz dəqiqəlik klinik ölüm yaşayıb. O, ayıldıqdan sonra ruhun varlığı ilə bağlı gördüklərini danışıb.
Sfera.az "Lenta.ru"ya istinadən xəbər verir ki, qrip və uzunmüddətli yuxusuzluq səbəbilə vəziyyəti ağırlaşan Lafferti xəstəxanaya yerləşdirilib.
Müalicə zamanı onun ürəyi dayanıb və o, səkkiz dəqiqə klinik ölüm vəziyyətində qalıb. Qadın bu müddətdə bənzərsiz, fövqəltəbii təcrübələr yaşadığını deyib.
“Qaranlıqda idim, sonra isə bir və sıfırlarla dolu parlaq bir tuneldən uçmağa başladım. Heç bir ağrı yox idi, sadəcə dərin bir aydınlıq və sakitlik hiss edirdim”, — deyə Lafferti bildirib. Onun sözlərinə görə, tunelin sonunda divarlarında rəqəmlər olan qapısız ağ otağa çatıb, oradan isə bir-birini əvəz edən sürreal mənzərələrə keçib.
Qadının təsvirinə görə, bu mənzərələrdə qəribə, lakin tanış görünən varlıqlar qarlı ağaclar arasında hərəkət edirdilər. Qar sevmədiyini düşündüyü anda mənzərə bahar peyzajına çevrilib. Uçmağı öyrəndikdən sonra bir maneəyə çırpılaraq qolunu itirib, lakin bu qolun yenidən əmələ gəldiyini görüb. Sonda isə qarşısında tikanlı hasar, arxasında da dağ, ferma və ev görünən bir mənzərə ilə qarşılaşıb. Orada olan digər varlıqlar hasardan keçə bilsə də özü keçə bilməyib.
Sonra sirli varlıqlar ona yaxınlaşan zaman, qadın gözlərini palatada açıb.
Lafferti bildirib ki, sanki aylarla davam edən bu təcrübədən sonra dünyaya baxışı dəyişib. O, hazırda ruhani bələdçi kimi çalışır, xroniki xəstəliklərdən əziyyət çəkən insanlara mənəvi dəstək göstərir.
Qeyd edək ki, daha əvvəl Kaliforniyada yaşayan bir kişi də narkozdan sonra “cəhənnəm kimi” bir aləmə düşdüyünü və oranın yalnız daşlıq ərazilərlə dolu olduğunu iddia etmişdi.
Bəsti Rəfizadə
Sfera.az
