1a:T5f3,

Azərbaycanlı şairə, pianoçu və prodüser Zəhra Bədəlbəyli mayın 17-də Şimali Amerika Yazıçılar İttifaqının üzvü seçilib. Bu İttifaq tanınmış rus şairləri Rimma Kazakova, Yevgeni Yevtuşenko və Qennadiy Nord tərəfindən təsis edilib.

Sfera.az xəbər verir ki, Z.Bədəlbəyli bu xəbəri şəxsi sosial media hesabında paylaşaraq, İttifaq rəhbərliyinə yaradıcılığına göstərilən diqqətə görə təşəkkür edib.

O, qeyd edib:

“Bu, gözlənilmədən baş verdi, amma çox şadam. Belə, sanki təsadüfi görünən anlar, ətrafdakı şərait buna uyğun gəlməsə belə, ilham verir və irəliyə doğru yeni bir hərəkət dalğasına təkan verir”.

Z.Bədəlbəyli Azərbaycan Yazıçılar Birliyinin üzvüdür və bir neçə şeir kitabının müəllifidir. O, həmçinin Azərbaycan Uşaq Fondunun İdarə heyətinin sədri vəzifəsini icra edir.

Bədəlbəylinin bu beynəlxalq ədəbiyyat təşkilatına üzv seçilməsi onun yaradıcılığının beynəlxalq səviyyədə tanınmasının göstəricisidir.

Bəsti Rəfizadə
Sfera.az

Azərbaycanlı şairə Şimali Amerika Yazıçılar İttifaqının üzvü seçildi