Bu il ən çox satılan telefon MARKALARI - ADLAR
2024-cü ildə qlobal smartfon bazarında ən çox satılan telefon markaları “Apple” və “Samsung” olub.
Sfera.az bildirir ki, “Counterpoint Research” şirkətinin məlumatına görə, bu iki brend ən çox satılan smartfonlar siyahısında ilk 10 yeri tutub.
Siyahıdakı modellərin əksəriyyəti yüksək səviyyəli cihazlar olub və 600 dollar (təxminən 1000 manat) və ya daha yüksək qiymətə satılıb.
Məlumata görə, “Apple” öz liderliyini “iPhone 15 Pro Max” modeli ilə əldə edib. Bu model ilk dəfə olaraq, pik bayram mövsümündən kənarda ən çox satılan smartfon olub. “Samsung” isə “Galaxy A15” modeli ilə bazarda güclü mövqe tutub. Bu model Full HD+ təsvir ölçülü AMOLED ekranı, optimal qiymətə malik kamerası və 4 illik dəstəyi ilə seçilib. “Galaxy A15” bazarda ən dəbli telefon olmaya bilər, lakin öz sinfində ən qabaqcıl telefonlardan biridir.
Qiymətlərə gəldikdə isə, siyahıdakı 10 ən yaxşı telefondan yeddisinin qiyməti 600 dollar və ya daha yüksək olub. Ümumilikdə, yüksək keyfiyyətli xüsusiyyətlərə malik və premium qiymətə satılan bu modellər istehlakçıların artan tələbatını əks etdirir.
Günay
